A programación de Cine na Rúa inclúe propostas infantís, familiares e para público adulto, ademais de producións galegas
Burela, 2 de xullo de 2026. O Concello de Burela presenta unha nova edición do programa Cine na Rúa, que levará durante os meses de xullo e agosto cinco proxeccións cinematográficas a diferentes espazos da vila.
A programación foi deseñada para chegar a públicos de todas as idades, cunha selección variada que inclúe cine infantil, familiar e para público adulto, así como producións galegas. Todas as sesións comezarán ás 22:30 horas.
A primeira proxección terá lugar o 9 de xullo, na praza da Mariña, coa película de animación ‘Del revés 2’. O 16 de xullo, a praza do Concello acollerá ‘Antes de nós’, unha produción galega centrada na figura de Castelao.
A programación de xullo completarase o día 30, na praza da Mariña, coa comedia familiar ‘¿Quién es quién?’.
O cine continuará no mes de agosto. O día 6, a praza das Casas Baratas acollerá a proxección de ‘Mufasa: El rey león’, unha proposta dirixida especialmente ao público infantil e familiar. Finalmente, o 20 de agosto, a praza do Concello será o escenario da película galega ‘Rondallas’.
Con esta iniciativa, o Concello de Burela busca ofrecer alternativas culturais e de lecer durante as noites de verán, achegar o cinema a toda a veciñanza e dinamizar distintos espazos públicos da localidade.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
