Viveiro, 2 de xullo, 2026. A Deputación de Lugo cumpriu o compromiso de adiantar este ano os traballos de limpeza e roza das estradas provinciais. A 1 de xullo, practicamente toda a rede viaria provincial no concello de Viveiro está xa completamente acondicionada, mellorando a seguridade e a visibilidade para todas as persoas usuarias.
Entre as vías nas que se realizaron estes traballos atópanse a estrada de San Roque, a do cemiterio ás Nogueiras, a da Fonte de Santa Ana de Magazos, a de San Pedro e Valcarría cara a Xove, a de Galdo, o acceso á praia de Area, a de Vieiro e a que vai a Suegos pola Patarroa, entre outras.
Este adianto supón unha diferenza notable respecto de campañas anteriores. Nesta ocasión, a maior parte das actuacións estaban xa rematadas a comezos de xullo, cumprindo así o compromiso expresado pola presidenta da Deputación de Lugo de acelerar os traballos de conservación da rede provincial.
A planificación e a boa coordinación dos servizos provinciais permitiron que as estradas cheguen á época de maior intensidade de tráfico nas mellores condicións posibles, incrementando a seguridade viaria tanto para a veciñanza como para as persoas que visitan Viveiro durante os meses estivais.
A presidenta da Deputación, Carmela López Moreno, subliña que os compromisos adquiridos se traducen en feitos. O mantemento da rede provincial é unha prioridade porque contribúe a mellorar a calidade de vida da veciñanza, favorece a mobilidade e ofrece unha mellor imaxe do territorio nun momento de gran afluencia turística.
Cumprir cos compromisos e facelo en prazo é, segundo destaca, a mellor maneira de responder ás necesidades dos concellos e da cidadanía.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
