O sábado terá lugar o III Torneo de Xadrez e un espectáculo do Mago Teto, mentres que o domingo se celebrará o Día da Bicicleta
Cariño, 8 de xullo, 2026. O Concello de Cariño preparou un completo programa de actividades para o vindeiro fin de semana, con propostas para todos os públicos: a terceira edición do torneo de xadrez, unha actuación de maxia e música, e a celebración do Día da Bicicleta.
A programación comezará o sábado 11 de xullo coa celebración do III Torneo de Xadrez de Cariño, que terá lugar no Cobertizo do Paseo Marítimo. A xornada iniciará ás 15:00 horas cunha sesión aberta dirixida a todas as persoas interesadas en aprender ou resolver dúbidas sobre este deporte, na que se explicarán os movementos básicos do xadrez. A continuación, ás 17:00 horas, dará comezo o torneo amigable.
A competición disputarase mediante sistema suízo a cinco roldas e incluirá as categorías Sub-8, Sub-10, Sub-12, Sub-14 e Absoluta. A inscrición é gratuíta e pode formalizarse a través do formulario dispoñible na páxina web municipal. Ademais, os participantes máis destacados recibirán trofeos e medallas. O torneo está organizado polo CIDU e o INCUDE, coa colaboración do Concello de Cariño.
A xornada do sábado continuará a partir das 21:00 horas na Porta da Pulida co espectáculo Rock’n’Magic, protagonizado polo Mago Teto e acompañado pola música en directo de Mister Cool e Fer Risco. Un orixinal espectáculo que fusiona maxia e rock en directo para ofrecer unha velada gratuíta pensada para o desfrute de todos os públicos. Esta actividade está organizada polo Concello de Cariño coa colaboración da Deputación da Coruña.
Xa o domingo, 12 de xullo, será a quenda do Día da Bicicleta 2026, unha cita organizada polo Concello de Cariño coa colaboración do Club Ciclista Cariño. A saída terá lugar ás 11:00 horas desde o Cobertizo para percorrer un itinerario duns seis quilómetros, que se realizará a un ritmo adaptado ao grupo co obxectivo de facilitar a participación de persoas de todas as idades.
A participación será libre e non requirirá inscrición previa. Os nenos e nenas menores de oito anos deberán ir acompañados por unha persoa adulta responsable, e será obrigatorio o uso do casco durante todo o percorrido. Como broche final da xornada, os participantes poderán desfrutar dunha divertida festa da escuma, poñendo o punto final a un fin de semana repleto de actividades para toda a familia.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
