Os populares lembran que “continúa habendo facturas sen pagar, non convocaron Pleno ordinario dende fai 7 meses e, a pesar de contar con maioría, non teñen aprobados os orzamentos municipais do 2026”
Lourenzá, 8 de xullo de 2026. O Partido Popular de Lourenzá lamenta que a alcaldesa e o goberno socialista “dediquen máis esforzos a intentar botar a culpa a outros e desacreditar á oposición, nun intento por desviar a atención da verdadeira situación do Concello, que a resolver os problemas reais do Concello e dos veciños e veciñas”.
“O propio goberno recoñece un problema de falta de control na xestión ao ter que recorrer ao remanente de tesourería para pagar facturas atrasadas”. Pero, ademais, “continúa habendo facturas sen pagar a pequenas e medianas empresas locais”, suman xa 7 meses sen convocar Plenos ordinarios -motivo polo que o PP presentou queixa formal ante a Valedora do Pobo- e, a pesar de dispoñer de maioría, non teñen aprobados os orzamentos municipais do 2026.
Estes son algúns dos exemplos da falta de traballo do goberno local socialista aos que hai que engadir “outros que nada teñen que ver coa falta de secretario”: licenzas sen resolver dende o 2024 -a pesar de que numerosos expedientes contan con informes favorables doutras administracións-, contratos caducados -coma o do SAF-, a renuncia a subvencións por non tramitar correctamente os expedientes, os premios do Entroido sen entregar, a falta de reposición dos cristais da pista municipal de pádel ou sancións administrativas -como as do Punto Limpo por non atender as advertencias- que pagan todos os veciños e veciñas.
Outras situacións que afectan directamente aos laurentinos e “non poden explicarse exclusivamente pola falta dun funcionario” son a existencia dun elemento perigoso na Praza Echevarría que segue sen retirarse a pesar de que provocou a caída dunha viandante que tivo que ser indemnizada. Ou as indemnizacións a usuarios da estrada municipal que vai dende Vilanova a San Xusto polo seu deficiente estado de conservación. Ou a obriga, por sentenza firme, de readmitir a unha traballadora do servizo de turismo.
Os concelleiros do PP “levamos tempo denunciando o abuso da contratación verbal” ante o que reclaman “maior seguridade xurídica” e “transparencia”. Precisamente de “falta de transparencia” é do que presume o goberno municipal, pero “non deu ningún tipo de explicación sobre os asuntos tratados no Pleno extraordinario antes de que informara o Partido Popular, senón despois”.
Os representantes do Partido Popular de Lourenzá continuarán a facer o seu traballo “fiscalizando a acción do goberno e defendendo os intereses dos veciños”. Para iso, “revisamos a documentación oficial, analizamos as intervencións dos plenos e escoitamos as preocupacións dos veciños poñéndoas de manifesto para que darlles solución”. Nese sentido, aseguran que “non somos nós os responsables da mala imaxe do Concello de Lourenzá, senón o propio equipo de goberno”, conclúen.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
