Viveiro, 8 de xullo, 2026. O BNG de Viveiro defenderá no pleno de xullo unha moción para reclamar á Xunta de Galiza que dea marcha atrás no peche de 36 camas no Hospital Público da Mariña durante o verán, unha decisión que considera “inxustificable” e que supón un novo recorte para unha comarca que acumula listas de agarda de anos e que, precisamente nestas datas, triplica a súa poboación e incrementa a demanda asistencial.
O BNG rexeita o argumento da Xunta de que o peche responde á necesidade de garantir as vacacións do persoal. “O verdadeiro problema é que médicos, enfermeiras e TCAEs marchan pola precariedade laboral, a falta de estabilidade, o incumprimento de dereitos e a ausencia dunha planificación que permita fidelizar os profesionais”, denuncia a portavoz Iria Cotelo.
Cotelo advirte de que desde o pasado 1 de xullo xa se fixo efectivo o recorte de persoal asociado ao peche das camas, coa eliminación de seis prazas de enfermaría e seis de TCAE. “A Xunta asegura que as camas estarán dispoñibles se fan falta, pero a pregunta é evidente: quen as vai atender se xa retiraron o persoal necesario?”
A portavoz lembra que esta situación xa se viviu o pasado verán. “Cando fixeron falta esas camas, como non había profesionais para atendelas, os pacientes tiveron que ser derivados ao HULA. Iso obrigou ás familias a desprazarse diariamente ata Lugo para poder acompañalos, engadindo máis dificultades a un momento xa de por si complicado.”
Ademais, o BNG critica que a Xunta planifique os recursos da Mariña utilizando os datos conxuntos da Área Sanitaria de Lugo. “A Mariña non é Lugo nin Monforte. Aquí a poboación multiplícase no verán e as necesidades asistenciais son moi superiores. Se a realidade é distinta, a planificación tamén debe selo.”
Como exemplo, destaca que, se a Área Sanitaria de Lugo rexistra este verán un peche do 12 % das camas hospitalarias, no Hospital da Mariña a porcentaxe ascende ao 23 %, “unha cifra escandalosa que non ten comparación con ningún outro hospital de Galiza”.
Cotelo conclúe afirmando que esta decisión evidencia “o abandono e o maltrato continuado da Xunta cara á comarca da Mariña”, unha situación que asegura se repite tamén noutros ámbitos como as infraestruturas ou o ensino.
Por todo iso, a moción reclama que se manteñan operativas as 36 camas, que se garantan os profesionais necesarios para atendelas e que a planificación sanitaria do verán responda ás necesidades reais da Mariña, “e non a estatísticas maquilladas que ignoran a realidade da nosa comarca”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
