Ribadeo, 15 de xullo de 2026. Ribadeo licita por 320.000 euros a lavandería e a cociña do Hospital Asilo. As empresas interesadas en presentar as súas ofertas poden facelo ata o 13 de agosto, segundo informou hoxe o alcalde, Dani Vega.
O rexedor contou que “licitamos a lavandería e cociña da residencia Hospital Asilo tanto en equipamento como en obra. Son 320.000 euros, orzamento íntegro por parte da Xunta de Galicia. Volvemos reiterar o noso agradecemento á Consellería de Política Social por axudarnos e así xa damos comezo á licitación para, en breve, poñernos en marcha coas obras”.
Para Vega trátase “dunha moi boa noticia poder xa traballar no Hospital Asilo, empezar a licitar e así toda a tramitación burocrática para que ata o 13 de agosto todas as empresas que queiran presentar as ofertas tanto na lavandería, cociña, equipamento, como na mellora de remate das obras dos espazos. É unha boa noticia, despois de todo o que vivimos e sufrimos”.
O alcalde lembrou que “a empresa Naray, todos somos coñecedores, presentou concurso de acredores e non sómente repercutiu no Concello de Ribadeo, senón tamén no da Pontenova, no de Guitiriz e no de Riotorto. Unha decisión que nos caeu moi dura. Tivemos que tomar decisións francamente duras e rescindimos o contrato. Agora vamos recorrer á vía xurídica para reclamar todo ese diñeiro, máis de 300.000 euros, porque incumpriu o contrato e nós temos que velar polos intereses das contas municipais, velar polos intereses do noso Concello. Tomáronse as decisións desde un punto de vista xurídico, en secretaría, técnico-económico, intervención e tamén técnico, é dicir os arquitectos municipais. Rescindiuse o contrato en pleno, aprobouse por maioría e actuamos coa máxima responsabilidade”.
Dani Vega subliñou: “teño que destacar que nosoutros sufrimos o que sufriron os outros Concellos, cando se presenta unha suspensión de pagos, un concurso de acredores. Nosoutros, en Ribadeo non é a primeira vez que sufre isto, co anterior goberno tamén pasou co pavillón actual de deportes. Tamén unha empresa presentou concurso de acredores e repercutiu negativamente no Concello e o anterior goberno fixo todo o posible por defender os intereses e así rematar as obras. O mesmo pasa agora, tamén poñendo por parte de todos os técnicos municipais e do goberno actuamos coa máxima responsabilidade e agora nesta fase de actuar xuridicamente en contra da empresa por incumprir o contrato, esa vía estámola traballando e xa licitar para comezar en breve as obras”.
O rexedor explicou que “a primeira parte é lavandería, cociña e instalacións e agora vamos xestionar orzamento para rematar ese 13%, que é o que quedou sen facer, e dado que hai un incremento no prezo do custe dos materiais e das obras, temos que buscar o orzamento necesario para rematar ese 13 %. Todo volve comezar, estamos nesta fase administrativa de ata o 13 de agosto pódense presentar as empresas, licitar para xa facer despois as obras tanto das instalacións da lavandería e cociña como do equipamento”.
E insistiu: “é unha moi boa noticia eses 320.000 euros que nos apoia a Xunta de Galicia e así vamos seguir traballando coa máxima responsabilidade e defendendo sempre os intereses do Concello”.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
