Nota de prensa:
A Xunta de Goberno Municipal e a Comisión Executiva Local, queremos facer unha pequena reflexión do acontecido en Foz nas últimas horas, da dimisión Xaime Cancio como concelleiro da Corporación Municipal e da súa baixa como militante da Agrupación Socialista de Foz.
E queremos facelo conxuntamente dende PSdG-PSOE de Foz, este partido que o Sr. Cancio di que perdeu a ideoloxía, este que segundo di el, perdeu o talante e o consenso…
Medite un pouco Sr Cancio a ver quén é o que perdeu a ideoloxía … vostede nunca aceptou a Executiva Local dende o momento que esta gañou a votación na Asemblea, por poucos votos, é certo, pero tivo máis que vostede e iso, meu amigo, en democracia é gañar. Despois ofrecéuselle a vostede incluso formar unha executiva na que se incluiría a xente da súa lista, o que tampouco aceptou, pois pretendía que se botase fora xente da lista electa.
A continuación cal foi a súa estratexia?… unha campaña de afiliación salvaxe para dominar nas asembleas… a vostede dáballe igual a ideoloxía dos afiliados con tal de que nas asembleas levantasen a man por vostede…
Sirva como exemplo cando á sede da Agrupación veu un señor a asinar a ficha de afiliación e preguntou para qué estaba firmando, tras explicarlle que se estaba afiliando ao Partido Socialista, dixo que el non quería ser Socialista, que era do PP, pero que viña a asinar por Cancio, para que fose alcalde. Loxicamente esta afiliación foi informada en contra.
Onde esta aí a ideoloxía? Sr Cancio.
Cando vostede é cesado das súas delegacións polo Sr Alcalde, pois é competencia única e exclusiva do alcalde dar ou quitar delegacións, da mesma maneira que o é do Presidente da Xunta ou do Presidente do Goberno ( que por certo o fan e ninguén se rasga as vestiduras), vostede veu a Executiva “esixindo” unha Asemblea Extraordinaria para pedir explicacións ao alcalde, onde se lle comunicaron os pasos a seguir para solicitala, e vostede fíxoo amparándose nos Estatutos Nacionais. Despois como non lle conviña a data de celebración que se puxo, respectando o marcado en ditos estatutos, pretendía que dita asemblea se datase aplicando outro artigo, pero esta vez dos estatutos provinciais… ou sexa señor Cancio que vostede pretendeu facer uns novos estatutos á súa medida, collendo o que mais ia cos seus intereses de uns e de outros.
Cansouse de poñer recursos contra esta executiva diante dos Órganos de Partido e cal foi a súa resposta ? Ningunha. Non cree vostede que iso foi por que non tiña razón ? Ou pensa que esta humilde executiva pode impoñer o seu criterio nesas altas esferas?
Agora di, que segue sendo Socialista, pero vai vostede a presentar unha candidatura en contra do Partido Socialista ás próximas Eleccións Municipais, o cal esta vostede en todo o seu dereito por suposto, pero non diga que o fai polo Socialismo, vostede faino por Xaime Cancio, nada mais. Pois si, ben é certo que vostede é traballador, moitos saben que os favores que fai vostede sempre, sempre máis tarde ou mais cedo se acaban pagando, que sempre teñen un prezo….
Así que pense vostede, quen é o que ten máis cara que espalda?….
Agradece a súa colaboración ao persoal do Concello e da Casa da Cultura, pois dalgún persoal da Casa da Cultura é mellor que vostede non fale, pois os quixo levar o borde do precipicio.
Respecto a política de derroche que di que se leva o Concello en temas Culturais que dicirlle… este ano as festas foron feitas polo Concello e pagáronse mais de 12.000 euros de IVE, ademais dos correspondentes dereitos de autor.
A pantalla luminosa é certo que podía ser posta gratuitamente por unha empresa, pero non sería de propiedade municipal, e o que mostraría sería publicidade de diversa índole, deixando un espazo moi pequeno para as novas do Concello. Así mesmo esta pantalla podía ser retirada por esa empresa en calquera momento, a existente, repítolle, é de propiedade municipal.
Os gastos aos que se refire no CENIMA son para dotar de servizos a cafetería do Club Náutico, co que hai un acordo para poñela a funcionar e para dotalo de outras melloras que reclaman os veciños, tales como máis luminosidade nas salas de exposicións, para así poder apreciar mellor as obras expostas.
No referente ao servizo de axuda a domicilio, dicirlle que os socialistas cando non podemos dar un servizo como se debe de dar, por que non se dispón da xente suficiente, buscamos a forma de compartilo, para así acadar os resultados esperados polos veciños, e iso foi o que se fixo, compartir ese servizo, no que aínda segue habendo traballadores municipais.
Que non lle gusta a Aula da Natureza, xa o sabemos, nin lle gustará nada do que fagamos…como o destino do millón de euros da Deputación… por que, por exemplo, se os deportistas e os veciños do pobo, entre os que se atopan moitos maiores, reclaman un SPA na piscina municipal, pois no caso dos maiores axudaría a aliviar algunha das súas doenzas, e se lles pode dar, por que non se vai a facer. Por que non lle guste a vostede?
E a ver si dunha vez di a que se refire co do tema do urbanismo, aclare de unha vez a que sentencias se refire ou deixe xa de marear a perdiz.
Felicita vostede á compañeira Elsa, que é quen o vai substituír, pero non di nada do ano de traballo polo pobo de Foz que vostede lle impediu levar a cabo ao non entregar a acta cando se lle reclamou en Asemblea, despois de que vostede en numerosas ocasións a puxese a disposición de esta. Claro que vostede nunca acatou a validez desa Asemblea, posto que non lle saíron os plans como vostede quería..
O síndrome Hybris que vostede menciona, é vostede quen o sufre, recapacite e pense … quen se cree con toda a razón? …quen protesta por que non lla dan? … quen ten o séquito de incondicionais dándolle a palmadiña na espalda ou levantando a man por vostede? …quen xa se vía como alcalde desde a metade da lexislatura? … quen se cría insubstituíble? …quen fallou tanto na Delegación de Pesca como no Concello? vostede Sr Cancio, vostede… así que quen é o do síndrome Hybris?
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
