Burela, 27 de xullo, 2026. Macarena Cárdenas Anguita (Los Villares, Xaén, 1992) formalizou a súa renovación co Reyco Burela FS e cumprirá así a súa segunda tempada de laranxa, despois de chegar como reforzo de inverno procedente do Chiloeches na campaña 2025-26.
“Seguir en Burela supón devolverlle ao club a confianza que tivo en min a pasada tempada. Nunca me quedei nun proxecto no que non confío. Cando ves que se están tomando decisións serias para que o proxecto volva ter sentido, é difícil dar as costas”, afirma a ala-peche, que destaca o fútbol sala como unha forma de vida na localidade e na bisbarra. “Ser xogadora do Burela é un orgullo. Entrar no Vista Alegre cada fin de semana e sentirme arroupada pola mellor afección de España sempre me fará sentir unha privilexiada”.
Macarena está decidida a recuperar a súa mellor versión: “Sei que esta tempada poderei ser a Macarena que o Burela quería en decembro e que, por circunstancias alleas a min, non puiden ser. Non entendo este deporte doutra forma que non sexa con esforzo, sacrificio e traballo en equipo”.
A súa experiencia e veteranía avalan o seu compromiso: “Estiven en moitos clubs e moitas tempadas en Segunda División. Xoguei tres fases de ascenso e gañei unha co AD Ceuta. Estou perfectamente preparada para achegar todo o que teño neste novo reto”.
A xogadora tamén destacou a importancia do grupo: “Se algo nos ensinou a Selección Española gañando este mundial é que un grupo unido, onde cada xogadora teña e acepte o seu rol para acadar o obxectivo común, é máis importante que calquera individualidade. Iso é o que se está creando aquí: un vestiario con persoas e deportistas con valores, ganas de traballar e loitar por este escudo. E o máis importante: todas eliximos estar aquí e non noutro lugar”.
Macarena convértese na sexta peza das Guerreiras 2026-27, xunto ás renovacións de Sandra, Silvia e Marina e as chegadas da valisoletana Pau (ala-peche) e da malagueña Elena (ala-pivote). “A primeira vez que Javier Pardeiro me chamou souben que era o líder que o equipo feminino necesitaba. Entendo este deporte coma el”, sinala a xogadora.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
