A área de autocaravanas é “un importante servizo para a promoción turística”, pero “presenta deficiencias no sistema de abastecemento de auga e unha localización imprecisa nas plataformas dixitais”
Vilalba, 29 de xullo de 2026. O PP de Vilalba esixe ao goberno local “a mellora da seguridade, accesibilidade e funcionalidade da área para autocaravanas” que constitúe un importante servizo para a promoción turística do municipio, pero que presenta deficiencias.
Os concelleiros explican que o sistema de abastecemento de auga non funciona correctamente impedindo o acceso dos usuarios a este servizo básico e indispensable que pode supoñer unha mala valoración tanto da instalación como do destino turístico. Ademais, a localización en Google Maps e noutras plataformas dixitais é imprecisa polo que pode dificultar que os usuarios a atopen.
Os populares esixen a revisión do sistema de abastecemento de auga e a súa reparación á maior brevidade posible para garantir que o servizo estea plenamente operativo para os usuarios. E establecer un protocolo de revisión e mantemento periódico das instalacións para evitar futuras incidencias. Así mesmo, piden a actualización e corrección da localización da área de autocaravanas en plataformas de xeolocalización e información turística.
Os concelleiros do PP tamén esixirán explicacións ao goberno do Concello de Vilalba sobre o estado das vías municipais das parroquias, a renuncia á contratación da brigada municipal contra incendios, as actuacións que previstas para dar solución ás altas temperaturas que se rexistran na Biblioteca Municipal de Vilalba e a regulación do tráfico na rúa Basanta Silva a través do bolardo que durante os fins de semana permanece baixado en horario de mañá.
PLAN NORMALIZACIÓN LINGÜÍSTICA
O PP de Vilalba tamén defenderá unha iniciativa para apoiar a actualización do Plan xeral de normalización da lingua galega para o impulso de novas medidas que adopten o uso do galego a todos os planos da vida pública.
O Goberno galego ten presentado un documento con case 700 medidas froito do traballo de máis 130 profesionais de todos os sectores e das 1400 achegas recibidas por parte de institucións, asociacións, entidades e particulares nos máis de 400 contactos e a través da caixa de correo electrónico.
Á vista de que mantén aberto un escenario de diálogo político e social no marco do Pacto pola lingua sen que exista consenso para impulsar o novo marco regular do galego, tamén instan ás forzas políticas con representación no Parlamento de Galicia a retomar o diálogo co obxectivo de construír novos consensos sobre a política lingüística de Galicia.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
