Lugo, 12 de agosto de 2026. O Grupo Provincial Popular esixe a PSOE e BNG “revisar as bases das convocatorias e a xestión das axudas da área de Cultura” para “favorecer que as asociacións ou entidades culturais da provincia se poidan ver beneficiadas das axudas da Deputación”.
O portavoz provincial, Antonio Ameijide, condena que “PSOE e BNG se proclamen autoabandeirados da cultura; pero no momento en que teñen responsabilidades de goberno, o que fan é poñerlles paus nas rodas ás entidades que impulsan actividades de dinamización social, especialmente no rural, para a percepción de apoios económicos procedentes da institución provincial”.
Para o popular, a renuncia de 26 asociacións e colectivos de distintos concellos da provincia ás axudas para investimentos ou equipamentos e actividades culturais na anualidade 2025 convocadas pola área de Cultura aprobadas por PSOE e BNG nas últimas reunións da Xunta de Goberno da Deputación de Lugo, é unha evidencia da “moi mellorable xestión” e “falta de operatividade”.
O portavoz popular lembra que “son habituais os atrasos por parte do goberno provincial á hora de convocar, tramitar e, especialmente, de resolver as axudas” e explica que “xa advertimos en varias ocasións que a forma de xestionar do BNG ocasiona un elevado número de renuncias e perdas do dereito a cobro”.
Nesta ocasión, as renuncias das propias entidades ascenden a preto de 25.000 euros. As renuncias de 14 colectivos ás axudas para investimentos en instalacións e equipamentos culturais suman máis de 12.500 euros e as renuncias de 12 asociacións ás axudas para actividades culturais superan os 12.300 euros.
E fai apenas tres meses, o goberno de PSOE e BNG aprobaba a perda do dereito a cobro de subvencións concorrencia competitiva correspondentes á anualidade 2024, tanto para equipamentos ou investimentos como para actividades culturais de 28 entidades da provincia por un total de máis de 18.000 euros.
EXPLICACIÓNS ANTE OS PREXUÍZOS PARA AS ASOCIACIÓNS E O RURAL
Antonio Ameijide asegura que “a perda de axudas públicas supón un importante prexuízo económico para as asociacións e colectivos da provincia que, ante a perda duns ingresos cos que contaban, se verán na obriga de eliminar ou reducir a súa actividade e/ou encarecer as achegas por parte dos propios socios ou participantes”. É dicir, “isto vai máis aló nun trámite administrativo. Na práctica supón unha perda importante de recursos por parte dos colectivos que contribúen á dinamización social”.
O portavoz popular incide en que “supón un prexuízo, especialmente para o rural”, e esixe coñecer “a que vai dirixir o goberno de PSOE e BNG ese diñeiro que non van percibir as asociacións e entidades culturais da provincia”.
Ameijide pide “operatividade” ao goberno provincial en relación ás axudas de Cultura porque “todos os anos pasa o mesmo” polo que cren que “o goberno de PSOE e BNG debería analizar esta situación e buscarlle unha solución”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
