O departamento autonómico acadou un 80 % en compromisos firmes de gasto nun exercicio onde máis do 85 % dos investimentos de capital estiveron cofinanciados con fondos da Unión Europea
Santiago de Compostela, 1 de setembro de 2026. A secretaria xeral técnica da Consellería do Mar, Marta Barreiro, respondeu na Comisión 8ª do Parlamento de Galicia a unha pregunta sobre a execución dos orzamentos do departamento autonómico no exercicio 2025, destacando a solvencia e rigor na xestión dos fondos estruturais europeos. Barreiro salientou que a comunidade superou con éxito o primeiro grande exame financeiro do Fondo Europeo Marítimo, de Pesca e de Acuicultura (FEMPA 2021-2027) ao certificar 64,53 millóns de euros ante a Comisión Europea, acadando un grao de cumprimento do 104,31 % sobre a meta fixada pola regra n+3.
Durante a súa intervención, a responsable autonómica lembrou que o orzamento inicial de gastos de 2025 ascendeu a 220,7 millóns de euros, dos cales o 67 % estivo directamente vinculado ao programa FEMPA —sumando a achega europea e o 30 % de cofinanciamento da Xunta—, unha proporción que se elevou ata o 85,78 % no caso das partidas destinadas a investimentos e subvencións de capital. Neste sentido, remarcou que os fondos europeos non executados nunha única anualidade non se perden, senón que se reincorporan aos exercicios seguintes dentro do marco financeiro global de 366,19 millóns asignado a Galicia ata o ano 2029.
A secretaria xeral técnica detallou que a execución en fase de obrigas recoñecidas situouse no 67,5 %, mentres que o nivel de compromisos firmes de gasto con terceiros alcanzou o 80 % do crédito inicial. Barreiro explicou que a marxe restante responde, principalmente, á complexidade administrativa das axudas de capital, suxeitas aos prazos de xustificación dos investimentos por parte dos beneficiarios, emendas documentais ou solicitudes de prórroga. Por último, subliñou que a Xunta pon á disposición do complexo mar-industria todo o crédito dispoñible desde o inicio de cada ano, garantindo un ritmo de xestión eficaz e positivo de cara ao cumprimento dos obxectivos de 2026.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
