O voceiro popular reivindica un maior apoio ao tecido empresarial dos pequenos concellos para favorecer o emprego, a competitividade e a fixación de poboación
Lugo, 15 de setembro de 2026. Os deputados do Grupo Provincial Popular, acompañados do voceiro do PP en Alfoz, Juanjo Fraga, visitaron as instalacións de CHR (Carrocerías Hermanos Rega) para coñecer de primeira man o seu traballo e poñer en valor o papel que desempeñan empresas como esta no desenvolvemento económico e social da provincia de Lugo.
Durante a visita, o voceiro provincial popular, Antonio Ameijdie, destacou que CHR “é un claro exemplo de que nos pequenos concellos, especialmente os do medio rural, poden xurdir empresas altamente competitivas, innovadoras e capaces de situarse entre as máis destacadas do seu sector, mesmo con proxección internacional”.
Ameijide recorda que “o futuro do rural tamén pasa por apoiar o tecido empresarial, favorecer o emprendemento e crear as condicións necesarias para que empresas como CHR poidan seguir medrando, xerando emprego e fixando poboación”.
Os deputados populares puxeron en valor a capacidade de superación, a aposta constante pola innovación e a especialización de CHR que, desde Alfoz, conseguiu converterse nun referente na fabricación de carrozarías e solucións adaptadas ás necesidades dos seus clientes, demostrando que “a excelencia empresarial non entende de tamaño do municipio nin de distancia aos grandes centros urbanos”.
“Empresas como CHR representan o mellor da provincia de Lugo: talento, esforzo, innovación e compromiso. Son un exemplo de que desde o rural tamén se pode competir ao máximo nivel e abrirse camiño nos mercados máis esixentes”, sinalaron.
Desde o Grupo Provincial Popular insistiuse na necesidade de seguir impulsando políticas que favorezan a competitividade das empresas asentadas no rural, mellorando as infraestruturas, as comunicacións, a formación e o acceso á innovación, co convencemento de que o desenvolvemento da provincia pasa tamén por fortalecer o seu tecido produtivo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
