O Concello continúa avanzando na actualización e ordenación da contratación municipal, con diferentes licitacións e procedementos xa en marcha
Burela, 22 de setembro de 2026. O Concello de Burela celebrará este xoves, 24 de setembro, ás 20.00 horas, o Pleno ordinario correspondente ao mes de setembro. Entre os asuntos da sesión figuran a Conta Xeral de 2025 e tres expedientes de recoñecemento extraxudicial de crédito para regularizar pagamentos pendentes por servizos e subministracións xa realizados.
Os tres expedientes ascenden a 341.108,24 euros, 9.070,33 euros e 19.337,55 euros. O de maior importe corresponde fundamentalmente a servizos como o Servizo de Axuda no Fogar (SAF), a limpeza de edificios municipais e a recollida de lixo e limpeza viaria. O segundo agrupa diversas obrigas de menor contía correspondentes ao exercicio 2025 e o terceiro, de 19.337,55 euros, corresponde á subministración eléctrica.
“Temos pagamentos pendentes que debemos regularizar e afrontar. Son servizos que foron prestados e, ao mesmo tempo que tramitamos esas obrigas, estamos traballando para ordenar as situacións que están detrás delas e actualizar progresivamente a contratación municipal”, explica a alcaldesa, Carmela López.
Neste sentido, o Concello está inmerso na licitación de grandes servizos como o SAF e a recollida de lixo e limpeza viaria, ademais de traballar na regularización da contratación da limpeza de interiores. Nalgúns destes casos existen prestacións que continuaron unha vez superado o prazo dos contratos anteriores ao tratarse de servizos que non poden deixar de prestarse.
No caso do SAF, o procedemento de licitación continúa a súa tramitación despois do recurso presentado por CCOO ante o TACGAL e da resolución deste órgano, á que o Concello dará cumprimento para poder continuar co expediente.
O caso da subministración eléctrica
A subministración eléctrica presenta unha situación singular pola complexidade da súa contratación e polo seu carácter imprescindible e continuado. Para avanzar na súa ordenación, o Concello solicitou a colaboración da Axencia Provincial da Enerxía da Deputación de Lugo para recibir asistencia no proceso de adhesión ao contrato centralizado da FEMP para a subministración eléctrica.
O Concello xa vén empregando fórmulas de contratación centralizada noutros ámbitos: o servizo de Correos canalízase a través da Fegamp, mentres que a xestión de sancións se realiza a través da FEMP, entidade a través da que tamén se está tramitando a contratación dos seguros municipais.
“Non é un proceso que comece agora nin que se poida resolver dun día para outro. Os procedementos administrativos foron evolucionando e o Concello foise adaptando a eles. Queremos seguir avanzando cara a unha contratación e uns procedementos cada vez máis ordenados e formais desde o inicio”, sinala López.
A orde do día inclúe tamén a aprobación da Conta Xeral de 2025, que completou o seu período de exposición pública sen reclamacións nin alegacións, así como outros asuntos económicos e administrativos que serán sometidos á consideración da Corporación.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
