Os concelleiros do PP consideran “curioso” que “Marta Rouco amose a súa preocupación pola estación de autobuses, pero non polo abandono do Museo da Prehistoria e Arqueoloxía (MUPAV) ou a Casa Sindical, que é titularidade do Estado”
Vilalba, 13 de outubro de 2026. O PP de Vilalba cre que “o cambio de idea da alcaldesa socialista sobre as instalacións e terreos da estación de autobuses evidencian que non ten proxecto serio para o municipio”.
Os populares poñen en evidencia “o repentino cambio de parecer” sobre este inmoble toda vez que Marta Rouco viña reclamando a recuperación da estación de autobuses e agora propón destinar eses terreos a vivenda pública.
En outubro do 2025 a alcaldesa reclamaba a recuperación da estación e, máis recentemente, no Pleno do Concello de maio deste ano, o PSOE lograba aprobar -co apoio de Vilalba Aberta e o BNG- unha moción para fixar o posicionamento de manter a estación de autobuses. Pero uns meses despois a propia alcaldesa lanza unha proposta ao Goberno galego sobre o uso de instalacións e terreos que son de titularidade do Concello rodeada de cargos do PSOE no que “parece unha acción de oportunismo político”.
Os concelleiros do Partido Popular condenan que “a alcaldesa socialista centre a súa actividade en intentar facer oposición á Xunta de Galicia en lugar de ocuparse dos asuntos da súa competencia e atender as necesidades do día a día dos vilalbeses”.
Concretamente en relación á estación de autobuses, explican que ante a proposta da Administración autonómica de habilitar en Vilalba unha nova parada máis adecuada ao actual uso por parte dos viaxeiros en substitución da estación de autobuses que se podería dirixir a outros usos, “a propia alcaldesa propuxo a ubicación dun refuxio enfronte da estación en terreos municipais”. E, aínda así, “negou o permiso do Concello para a instalación dese espazo cuberto”. É dicir, “unha contradición máis”. Polo tanto, pídenlle que “deixe traballar ao Goberno galego” e que “non poña continuamente paus nas rodas”.
DOBRE VARA DE MEDIR
Dende a formación popular tamén consideran “curioso” que “Marta Rouco amose a súa preocupación pola estación de autobuses despois de impedir que se dea calquera paso, pero que non amose a mesma preocupación polo estado do Museo da Prehistoria e Arqueoloxía de Vilalba (MUPAV) que é algo único na provincia e que o goberno local socialista mantén pechado e abandonado”.
Os populares tamén denuncian “a dobre vara de medir da alcaldesa socialista” á vista de que “non lle reclama publicamente ao Goberno de España, da súa mesma cor política, por ter abandonado un edificio da súa titularidade en pleno casco urbano de Vilalba como é a Casa Sindical, na que chove dentro”.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
