Nota de prensa
GUILLERME ANIMA NA MARIÑA A SECUNDAR A FOLGA XERAL DO DÍA 27 CONTRA A REFORMA DAS PENSIÓNS PORQUE “É UNHA PUÑALADA Á GRAN MAIORÍA DA SOCIEDADE”
O portavoz nacional do BNG reunise co Comité de Empresa de Alcoa e pola tarde intervirá en actos sobre a reforma das pensións en Foz e Riotorto
O 47% dos pensionistas da Mariña cobran menos de 546 euros ao mes e o 86% non chega aos 600 euros
Xove, 20 xaneiro 2011.- O portavoz nacional do BNG, Guillerme Vázquez, animou hoxe á sociedade galega a secundar o día 27 a folga xeral convocada contra a reforma das pensións pactada por PSOE e PP porque “é unha puñalada nas costas á gran maioría da sociedade”.
Guillerme Vázquez reuniuse esta mañá cos representantes do Comité de Empresa de Alcoa. Despois da reunión Guillerme xantou cos traballadores e traballadoras. Xa pola tarde, reunirase cos traballadores despedidos de Sargadelos e pronunciará dúas charlas sobre a contrarreforma das pensións: unha en Riotorto, ás 17:30 horas no centro social de Augasoxa, e outra ás 20:30 horas en Foz, na Casa da Cultura Manuel María.
O portavoz nacional do BNG alertou en declaracións aos medios de que “estamos diante dunha nova agresión aos dereitos básicos dos cidadáns cun retallamento significativo das pensións públicas que vai ter máis repercusión na Galiza, onde xa temos pensións máis baixas que no conxunto do Estado e onde hai un maior número de pensionistas”.
Neste sentido, Guillerme denunciou que este recorte e o aumento da idade de xubilación “está apoiado con maior ou menor disimulo polo PP” e atribuíno “a políticas ditadas polos amos das finanzas e, polo tanto, están dirixidas a seguir mantendo os seus beneficios pero non a solucionar ningún problema social nin a crise”.
“É unha medida inxusta que non ten ningunha xustificación técnica”
Ademais, o portavoz nacional do BNG subliñou que “non hai maneira de xustificar tecnicamente a necesidade desta reforma das pensións, máis alá de informes pagados pola banca a cerca de non se sabe que evolucións da demografía”.
“Non hai xustificación ningunha para seguir metendo puñaladas nas costas dos sectores máis débiles desta sociedade”, denunciou.
“O único obxectivo da reforma é beneficiar á banca para que a xente se pase ás pensións privadas”
Ademais, Guillerme advertiu no encontro co comité de empresa que “a reforma das pensións é algo que se monta baseado en falsidades e o único que persegue é rebaixar a contía das pensións”. “Quérese transmitir a idea de que o sistema público de pensións só garantirá unhas pensións mínimas e , polo tanto, para ter unha pensión digna, hai que aforrar e pagar pensións privadas” engadiu.
“E isto -advertiu- só lle interesa á banca, e o Goberno do PSOE está totalmente condicionado pola banca”.
Na Mariña o 47% dos pensionistas cobra menos de 546 euros ao mes
Como exemplo das nefastas consecuencias que esta reforma terá na Galiza está o caso da Mariña, unha comarca onde o 47% dos e das pensionistas sobreviven con menos de 546 euros ao mes, unha situación extrapolábel á maior parte de Galiza.
Ademais, das 18.843 persoas censadas como pensionistas na Mariña, segundo os datos do Instituto Galego de Estatística, o 86% ten unha pensión inferior aos 600 euros mensuais, e, como xa indicamos, o 47% cobra menos de 546 euros ao mes.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
