Nota de prensa:
BURELA FSF-UCAM MURCIA, POSTA DE GALA PARA A INTERNACIONAL VANESSA (20.00 horas)
O Burela FSF Pescados Rubén rematará a primeira volta no templo laranxa ante o UCAM Murcia, coa posta de gala da internacional brasileira Vanessa Pereira, que, tras a súa presentación no Trofeo Raíñas Meigas, mañá estreará a camiseta laranxa en competición oficial. O encontro da décimo quinta xornada de Honra arrincará ás 20.00 horas (entrada gratuíta), en Vista Alegre, como broche do I Encontro do Deporte Base na Mariña e a visita do seleccionador nacional, José Venancio López.
As pupilas de Javier Pardeiro pecharán o primeiro ciclo de 2010-11 ante o actual pechacancelas da categoría, despois da retirada oficial do CD Campillos. Os resultados non acompañan as murcianas nesta tempada; lonxe queda a quinta praza na que remataron 2009-10. A pesar de posuír tan só 6 puntos, que o somen no fondo da táboa, o UCAM pode poñer en apuros a calquera; así o demostrou a semana pasada, co empate 3-3 do Valladolid, terceiro clasificado.
Dende o cuarto posto e 27 puntos, esta pode converterse nunha boa oportunidade para as laranxas de reducir as distancias coas pucelanas (32), que afrontan o duelo de podio co líder mostoleño con baixas importantes. Por detrás, a 1 punto, a quinta posición do Atlético de Madrid Navalcarnero visita o décimo terceiro, Lacturale Orvina.
En contraste co debut laranxa da ala-pivote internacional, considerada como unha das mellores xogadoras do mundo, a mala nova no vestiario mariñán para mañá é a ausencia de Rosana; as probas médicas realizadas á pichichi laranxa desvelaron unha rotura fibrilar no recto anterior, que a manterá de baixa un mínimo de tres semanas. Tampouco está asegurada a participación de Lidia, que se recupera dunha gripe con principios de bronquite.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
