RIBADEO.- Os Servizos Sociais do concello de Ribadeo informan das axudas individuais a persoas maiores e persoas discapacitadas para mellorar a súa autonomía persoal. Está destinada a maiores de 65 anos que non reciban outro tipo de axudas a discapacitados dependentes. As condicións para a solicitude, o tipo de prestacións a subvencionar e os prazos de presentación poden verse na nota remitida polo concello que se transcribe a continuación.
Ribadeo, 10 de xullo de 2008. O departamento de Servizos Sociais do Concello de Ribadeo informa das axudas individuais a persoas maiores e persoas con discapacidade para facilitar a autonomía persoal e a accesibilidade.
Persoas beneficiarias
1. Persoas maiores de 65 anos que acrediten a necesidade dunha axuda que non estea incluída no ámbito doutras liñas de protección social ou sanitaria.
2. Persoas con discapacidade e/ou en situación de dependencia, menores de 65 anos que teñan recoñecido un grao de minusvalidez igual ou superior ao 33% resolución anterior á data de remate do prazo de presentación de solicitudes.
Ademáis, as persoas solicitantes deberán cumprir os seguintes requisitos:
1. Residir na Comunidade Autónoma de Galicia.
2. Que a axuda solicitada derive da súa discapacidade recoñecida (caso dos beneficiarios determinados na línea b) do número anterior) ou ben a acreditación da súa necesidade.
3. Que a axuda solicitada non estea incluída no eido doutras liñas de protección social ou sanitaria.
4. Non ter percibido nos dous últimos anos axudas para o mesmo fin, solicitadas ao amparo das convocatorias referidas a esta orde, salvo que concorran as seguintes circunstancias:
* Que a adaptación ou axuda técnica solicitada sexa complementaria da anteriormente concedida, para os efectos de promover a autonomía persoal do solicitante.
* Que a adaptación ou axuda técnica solicitada sexa distinta das anteriormente concedidas e se deba a un agravamento da súa situación.
* Que a natureza ou carácter da axuda técnica ou producto de apoio para o normal desenvolvemento da vida diaria recoñecido en anteriores convocatorias sexa perecedoiro pola normal deterioración.
5. Os establecidos con carácter xeral para obter a condición de beneficiario de subvencións no artigo 10 da Lei 9/2007, do 13 de xuño, de subvencións de Galicia.
6. Non ter recoñecida a situación de dependencia prevista na Lei 39/2006, do 14 de decembro, de promoción da autonomía persoal e atención ás persoas en situación de dependencia, no grao III, niveis 1 ou 2, ou no grao II, nivel 2, por resolución anterior á data de finalización de prazo de presentación de solicitudes.
Actuacións subvencionables e axudas
1. Adaptación funcional da casa e supresión de barreiras arquitectónicas e de comunicación no interior da vivenda: accións destinadas a facilitar o acceso, a mobilidade, a comunicación e a realización das actividades básicas da vida diaria, tanto en vivendas unifamiliares como nas de propiedade horizontal no interior do fogar.
* Adaptación funcional do fogar: ata 2.500 €.
* Eliminación de barreiras arquitectónicas e de comunicación no interior da vivenda: ata 3.000 €.
2. Adquisición de próteses dentais e audífonos non previstos no sistema sanitario
* Próteses dentais: ata 500 €
* Audífonos, non previstos no sistema sanitario: 800 €
3. Axudas técnicas, sempre que non sexan cubertas polo sistema sanitario ou por outros organismos públicos ou privados sen ánimo de lucro: ata 2.500 euros.
* Axudas técnicas para aseo e hixiene persoal.
* Axudas técnicas para alimentación.
* Axudas técnicas para mobilidade, posicionamento e protección persoal.
* Axudas técnicas para comunicación.
* Axudas técnicas para persoas con discapacidade auditiva.
* Axudas técnicas para persoas con discapacidade visual.
Prazo de presentación
Un mes contado a partir do día seguinte da publicación da orde. Será ata o 9 de agosto de 2008.
Para obter calquera información os interesados deben dirixirse aos Servizos Sociais Municipais, ubicados no Auditorio Municipal de Ribadeo.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
