O PP de Burela sementa a dubida de si “hai trato de favor para certos establecementos nocturnos”

Nota de prensa

NOTA DE PRENSA DO GMPP DE BURELA

Barcia: “eu, como alcalde, non fun quen lle mandou ó xulgado ou á fiscalía papeles sobre o Rincón do 10”.

O portavoz dos populares pídelle ó alcalde que aclare se hai trato de favor para certos establecementos nocturnos.

Barcia considera que o alcalde é “como Pilatos, sempre se lava as máns e nunca asume responsabilidades”.

O portavoz do Grupo Municipal do Partido Popular (GMPP) de Burela José María González Barcia, manifestou hoxe que “eu, como alcalde, non fun quen lle mandou ó xulgado ou á fiscalía ningún documento nin sobre o Rincón do 10 nin sobre ningún outro local por propia iniciativa, e non sei se o alcalde poderá decir o mesmo, pero creo que non”.

Estas manifestacións fíxoas o portavoz popular a raiz das declaracións do alcalde de Burela nas que o culpaba de que se chegara á situación xudicial que vén de manifestarse nunha sentencia de dous anos e seis meses de prisión para os titulares do Rincón do 10.

González Barcia considera que “o alcalde é como Pilatos, sempre se lava as mans, neste e en todos os temas, e nunca asume responsabilidades; nunca tén a culpa de nada”. Barcia asegurou que “este asunto fóiselle ó alcalde das mans, non foi capaz de controlalo, chegou a onde chegou en boa parte pola súa actuación durante estes practicamente catro anos que leva de alcalde, que non se lle esqueza nin a el nin a ninguén, e agora quere sacarse o marrón de encima culpando ós demáis, o que é absolutamente indecente e demostra a baixeza política e persoal e a falsedade desta persoa, e quen actúa con falsedade non é de fiar”. Barcia pregúntase en voz alta: “pode un alcalde sair nunha foto na prensa, ríndose, cando están veciños do seu concello implicados, dunha parte e de outra, nun procedemento xudicial, como saiu el?. A resposta é non”.

O portavoz dos populares foi máis alá, e indicou que o alcalde debe aclarar se hai trato de favor a algúns establecementos. Barcia asegurou que mentres se pechaba o Rincón, polo mesmo motivo foi multado outro establecemento nocturno con mil euros, chegando a pagar a multa en cómodos prazos. “Creo que esto debe sabelo a cidadanía, para decatarse do comportamento do alcalde, que non usa nunca a mesma vara de medir”.

Ademais, González Barcia afirmou que o PP sempre tentou conciliar o descanso co ocio, e manifestou: “a primeira normativa sobre ruidos, non a fixo este alcalde nin o bipartito; tampouco foron eles os que fixaron a obriga de colocar a dobre porta, ou os sonógrafos; e tampouco foron eles os que estableceron as zonas de saturación; me parece que eles non contrataron a unha empresa homologada para levar a cabo medicións que acreditaran documentalmente o nivel de ruido emitido; e creo que tampouco foron eles os que primeiro experimentaron cos vasos de plástico: todo eso fíxoo o PP, o que quere decir que este alcalde non fixo nada e o que fixo fíxoo mal e de forma maliciosa e falsa”. Barcia asegurou que “o alcalde non é quen para dar leccións sobre nada e menos sobre concialiación do descanso co ocio: hai algún veciño de Burela que ainda está agardando a ser recibido por ter presentado escritos no concello por asunto de ruidos”.

Finalmente, Barcia manifestou o seu “absoluto respecto polo dereito ó descanso e á sáude, así como o respecto ó dereito ó ocio; tamén quero deixar claro o meu respecto pola sentencia, e polo tanto o seu acatamento, como non pode ser de outro xeito, pero considero que a mesma é esaxerada e desproporcionada. O que non sei é se o alcalde pensa o mesmo, porque de esto non dixo nada, ainda que tampouco me sorprende, porque nunca di nada e o seu discurso está totalmente vacío”.