Nota de prensa
ANTÓN BAO ANUNCIA QUE A ÁREA DE DEPORTES PORÁ EN MARCHA A
I COPA DEPUTACIÓN DE PIRAGÜISMO
“Despois de 7 anos, volvemos contar cunha proba que implica aos clubs lucenses, o que é unha boa noticia para o noso piragüismo” afirmou Bao
Os clubs Altruán de Ribadeo, Club de Piragüismo de San Cibrao, Kaiak Foz, Club de Piragüismo de Viveiro, Club de Piragüismo Cidade de Lugo e Club Fluvial de Lugo participarán na competición e organizarán as probas
LUGO, 17 de febreiro de 2011. O vicepresidente da Deputación de Lugo, Antón Bao, presentou esta mañá no salón de actos do pazo de San Marcos a I Copa Deputación de Piragüismo, na que participarán seis clubs lucenses e que se disputará ao longo de varias probas entre os meses de abril e outubro. Na presentación desta proba, amparada economicamente pola Área de Deportes da Deputación, participaron tamén o presidente da Federación Galega de Piragüismo, Xosé Alfredo Bea García, e mailo seu delegado en Lugo, Martín Carballo Méndez. Unha vez realizada a presentación da proba, o vicepresidente da Deputación, Antón Bao, así como o presidente da Federación Galega de Piragüismo, asinaron o convenio mediante o cal a Deputación de Lugo compromete a súa axuda económica para a posta en marcha da I Copa Deputación de Piragüismo e a outra parte correrá coa organización. O regulamento oficial desta competición estará dispoñíbel mañá na páxina web da Vicepresidencia 1ª da Deputación www.v1deputacionlugo.org no apartado “documentación”.
Na súa intervención, Antón Bao destacou que “despois de 7 anos, volvemos contar cunha proba que implica aos clubs lucenses, o que é unha boa noticia para o noso piragüismo”. Bao lembrou que desde a chegada ao goberno da Deputación, un dos obxectivos que se estabeleceron desde a súa Área de Deportes foi “a revitalización dun deporte histórico en Lugo, como o piragüismo, comezando por volver a poñer en marcha a escola de Piragüismo que se atopaba en estado de abandono”. Deste xeito, o vicepresidente continuou explicando que “agora os esforzos centráronse en apoiar aos clubs lucenses de piragüismo, auténtico motor do deporte, a través da mediación da Federación Galega de Piragüismo, para organizar esta competición que hoxe se presenta, a I Copa Deputación de Lugo de Piragüismo” e que “agardemos que sexa un primeiro paso de cara ao futuro para que o piragüismo goce en Lugo da saúde que merece”.
O presidente da Federación Galega de Piragüismo, Xosé Alfredo Bea García, pola súa banda, agradeceu o apoio da Área de Deportes da Deputación e a disposición desde un primeiro momento para poñer en marcha esta competición, que servirá para que os clubs lucenses poidan competir no seu territorio e conseguir que cada vez máis rapaces e rapazas se inicien no deporte da piragua.
Martín Carballo Méndez, delegado da Federación Galega de Piragüismo, foi o encargado de pormenorizar o sistema de competición da proba, xa que en boa parte o traballo de contacto cos clubs residiu na súa persoa. A I Copa Deputación de Piragüismo, constará de seis probas (unha organizada por cada club) e comezará o 24 de abril nas instalacións da Escola de Piragüismo das Saamasas, organizada coa colaboración do Club Cidade de Lugo de Piragüismo, e na que xa se prevé que participen ao redor de 100 padeeiros, número que se irá incrementando até chegar aos 200 nas últimas probas.
Calendario de Probas
| Datas | Proba | Lugar |
| 24/04/2011 | Regata Lugo (Cidade de Lugo) | Lugo |
| 12/06/2011 | Regata San Cibrao | San Cibrao |
| 14/08/2011 | Regata Viveiro | Viveiro |
| 03/09/2011 | Regata Ribadeo | Ribadeo |
| 11/09/2011 | Regata Foz | Foz |
| 01/08/2011 | Regata Lugo (Fluvial de Lugo) | Lugo |
Categorías e distancias
Kaiakistas homes: Veterano, Sénior, Júnior, Cadete, Infantil A e B, Alevín A, B e Benxamín
Kaiakistas mulleres: Veterana, Sénior, Júnior, Cadete, Infantil A e B, Alevín A, B e Benxamín
Canoístas homes: Veterano, Sénior, Júnior, Cadete, Infantil A e B
Canoístas mulleres: Veterana, Sénior, Júnior, Cadete e Infantil A e B
Distancias das distintas probas:
– 1500mts: Benxamíns, Alevíns A e B
– 3000mts: Infantil A e B
– 5000mts Sénior, Júnior, Cadete
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
