O director xeral de Ordenación e Xestión dos Recursos Mariños explicou hoxe en Burela as novidades da normativa
A Consellería do Mar presenta á flota da Mariña lucense o novo decreto de artes e aparellos
Dende a entrada en vigor do decreto publicado no DOG o sector contará cun período transitorio de adaptación de 6 meses
O obxectivo é adaptar a normativa á realidade dos cambios derivados da evolución do sector pesqueiro e marisqueiro e de obter o máximo benestar social dos colectivos implicados ao abeiro da Lei de pesca de Galicia de 2009
A nova normativa contempla entre as súas novidades artes de pesca que ata o de agora non estaban reguladas, como a nasa para a centola, as volantillas, os volantíns e, a raeira. Tamén se autorizan dous novos útiles para o marisqueo a pé, a forquilla e a rañica
Burela (Lugo), 19 de febreiro de 2011.- O director xeral de Ordenación e Xestión dos Recursos Mariños, Pablo Fernández, presentou á frota da Mariña lucense o novo decreto de artes e aparellos. Esta é a primeira presentación da rolda que levará á Consellería do Mar a dar a coñecer as novidades do decreto ao sector de Lugo, A Coruña e Pontevedra. O director xeral incidiu en que trala súa entrada en vigor o sector contará cun período transitorio de 6 meses para adaptar as artes e aparellos de pesca e marisqueo ao disposto na nova normativa.
O obxectivo deste novo decreto é adaptar a normativa á realidade dos cambios derivados da evolución do sector pesqueiro e marisqueiro e de obter o máximo benestar social dos colectivos implicados ao abeiro da Lei de pesca de Galicia de 2009. O director xeral explicou ao sector da Mariña que os novos aspectos do decreto “contribuirán a mellorar a explotación racional e sostible dos recursos mariños” e recalcou que o documento é froito do diálogo das múltiples xuntanzas” celebradas entre a administración e representantes do sector pesqueiro e marisqueiro acompañados por profesionais coñecedores do manexo de todas as artes.
Novidades
Pablo Fernández lembrou entre as novidades a inclusión de artes que ata o de agora non estaban reguladas como a nasa para a centola, artes de enmalle como as volantillas, os volantíns e a raeira, a rañica ou a gancha a pé, como arte de marisqueo. Ademais, no marisqueo incorpórase de novo a forquilla, que estivo prohibida durante algún tempo, se describe un novo útil denominado rañica ou gancha a pé. Estas inclusións segundo incidiu están avaladas pola execución de plans experimentais que demostraron o seu bo funcionamento e viabilidade.
Coa finalidade de uniformizar o número de artes por embarcación, o documento establece unha clasificación das embarcacións en sete grupos distintos segundo o arqueo. Ademais o director xeral lembrou que o novo decreto permite a posibilidade de faenar no período ordinario de descanso en acontecementos sinalados, compensándoo con xornadas de descanso en días laborables. Outra das posibilidades que ofrece, a diferencia do decreto vixente, é a de manter as artes caladas fóra dos períodos autorizados naqueles casos nos que as condicións meteorolóxicas sexan adversas.
Por outra banda recolle a posibilidade de establecer cotas máximas de captura diaria, nos casos nos que sexa necesario para garantir a sostibilidade da explotación dos recursos e sempre co consenso do sector afectado, recalcou Pablo Fernández. Ademais o decreto unifica as nasas de nécora e camarón, debido a que teñen as mesmas características e a que se empregan indistintamente para a captura de ambas especies.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
