Nota de prensa:
Máis de 500 escolares redescubriron este mes a provincia grazas ás rutas do Km0
– Rapaces de 10 colexios e IES de Taboada, Ribadeo, Monforte, Lugo, Outeiro de Rei, Chantada, Quiroga e Foz participaron no programa da Deputación
– Un grupo de estudantes do CEIP chantadino Eloisa Ribadulla fixo hoxe un percorrido pola capital lucense, e outro do CIP Cervantes de Lugo viaxou a Viveiro
Medio milleiro de estudantes de 10 centros educativos redescubriron durante o mes de febreiro a provincia grazas ó programa medioambiental Km0.Deputación de Lugo. En total, 508 rapaces de diversos colexios e institutos de Taboada, Ribadeo, Monforte, Lugo, Outeiro de Rei, Chantada, Quiroga e Foz participaron nesta iniciativa coa que redescubriron o patrimonio paisaxístico e cultural da provincia dunha maneira amena e divertida. Precisamente, esta semana os protagonistas do programa son os mozos de xeito que, das seis rutas previstas, cinco delas faranas escolares.
A programación arranca hoxe cun percorrido pola capital lucense que solicitou o CEIP Eloisa Ribadulla de Chantada, e cunha visita a Viveiro demandada polo CIP Cervantes de Lugo. Os rapaces foron recibidos pola Deputada de Economía, Regina Polín, no salón de plenos do Pazo de San Marcos. O primeiro grupo, formado por 48 alumnos, coñeceu as instalacións do Centro de Artesanía e Deseño (CENTRAD), deu un paseo polo río Rato e visitou Santa Eulalia de Bóveda, a catedral, o Centro de Interpretación da Muralla, o propio monumento bimilenario e as Termas. A comida tivo lugar no restaurante “Los Robles”. Pola súa banda, 55 estudantes do CIP Cervantes desprazáronse á Fundación TIC, e viaxaron a Viveiro onde comeron no restaurante “Val do Naseiro”, e achegáronse ó eucaliptal de Chavín, ó monte de San Roque e ó mosteiro de Valdeflores.
Mañá mércores, 55 alumnos do IES de Quiroga irán a Samos, e 48 integrantes da Asociación de Mulleres Rurais do Chao, de Ribeira de Piquín, estarán en Ribadeo. Os rapaces do instituto quirogués farán unha visita á olería de Bonxe e, despois de comer no restaurante “A Pontenova” situado xa no concello samoense, coñecerán a Capela do Ciprés, a área recreativa Río Oribio e o mosteiro de Samos. En canto ás mulleres rurais de Ribeira de Piquín, participarán 48 nunha ruta que comezará cunha visita ó Centro de Artesanía e Deseño (CENTRAD) da Deputación e continuará xa na vila ribadense con paseos polas praias de Os Castros e As Catedrais, o porto e as cetáreas de Rinlo e o aeródromo de Vilaframil. A comida celebrarase no restaurante “O Cabazo”.
O programa desta semana complétase o xoves con rutas por Monforte de Lemos, que realizarán 55 alumnos do colexio María Auxiliadora de Lugo, e polo Cebreiro, na que participarán outros 55 estudantes, neste caso do CEIP de Foz. A primeira das viaxes arrancará no Mazo de Santa Comba e continuará cunha comida no restaurante monfortino “Ribeira Sacra”, un paseo polo barrio xudeu –con paradas na muralla medieval e a Porta de Alcazaba- e unha visita ó Colexio Nosa Señora da Antiga. O segundo percorrido previsto, que fará o grupo de nenos focenses, inclúe un paseo pola muralla e as Termas de Lugo. Os participantes desprazaranse de seguido a O Cebreiro para comer no establecemento “Casa Carolo”. Despois, darán un paseo ata o primeiro fito do Camiño de Santiago, visitarán a igrexa Santa María La Real e a palloza etnográfica, e subirán ó monte de Santa Cruz.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
