Nota de prensa
Veciños e veciñas de Figueirido súmanse á denuncia por vertidos de augas fecais ao Río Xunco en Figueirido
Formalizan unha denuncia no SEPRONA por vertidos de augas fecais ao Xunco en Figueirido
Mais de un ano agardando por solucións que non chegan
Cervo, 1 de marzo de 2011. Veciños e veciñas de Figueirido asinaron conxuntamente co BNG cervense unha denuncia diante do SEPRONA por vertidos de augas fecais ao Río Xunco dende fai mais de un ano, ao ver como despois de pedir solucións no concello de Cervo, estas non chegan, e o Decreto de medidas urxentes aprobado pola Xunta para arranxar os danos provocados polas riadas do pasado mes de xuño que acabou de desfacer a rede de saneamento, esqueceu Figueirido ou dedicouse a outras actuacións.
46 veciños mais o BNG asinan a denuncia fartos de agardar por solucións que non dan chegado
A práctica totalidade dos veciños e veciñas residentes en Figueirido sumáronse á denuncia promovida polo BNG por vertidos de augas fecais ao Río Xunco que foi formalizada no SEPRONA na mañá do luns. O Responsábel Local do BNG, Luís Bernardo Insua, “agradeceu a concienciación polo coidado do medio ambiente da xente, moi superior á dos nosos gobernantes que so se dedican a facer fotos e promesas”. O nacionalista lembrou que “o alcalde fotografouse en xuño pasado co máximo responsábel da Xunta e o Conselleiro de Medio Ambiente anunciando actuacións urxentes, pero a cousa non pasou de aí”. “De nada serve que nos falen de grandes proxectos cando estes non chegan e vai aló mais dun ano enchendo o río de merda”, remachou Bernardo Insua.
Reparación inmediata dos danos, eliminación dos vertidos e das tubaxes sobrantes, asentamento do terreo e reposición do camiño de baixada ao río
O Responsábel Local do BNG explicou que nesa zona hai tubaxes de todo tipo, unhas antigas e outras novas, e ningunha fai a súa función. Bernardo Insua afirmou que “en Figueirido hai un problema de salubridade pública e contaminación medio ambiental grave polo que hai que actuar con urxencia eliminando os vertidos e as tubaxes sobrantes coa reposición da rede e arquetas, así como o asentar o terreo que foi cedendo sobre o río eliminando o camiño de baixada ao río ”.
Para mais información chamar a Luís Bernardo Insua
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
