Nota de prensa
A FALTA DE PRUDENCIA DO PP IMPIDE CONTAR CUN EDIFICO PARA TER UNHA GARDERÍA EN SAN CIBRAO
O edificio de infantil do Rivera Casas de propiedade municipal estaba feito e perdeuse para convertelo nun aparcamento
O PP prefire a confrontación política ao aproveitamento dos recursos e o servizo aos cidadáns
Cervo, 2 de marzo de 2011. O BNG saíu ao paso das sucesivas declaracións de representantes do PP en relación á cesión de locais na Casa do Mar de San Cibrao para destinalos a gardería. Os nacionalistas cualificaron de “polémica partidista interesada” a intención do goberno local de utilizar eses locais para gardería xa que o concello contaba ate o seu derrube con locais perfectamente adaptados para este fin no edifico de infantil do Rivera Casas, permitindo o aproveitamento de recursos propios sen ter que acudir a outros prestados que nin sequera tiña asegurados. Da a sensación de que o PP prefire buscar a confrontación permanente coas administración que non son da súa cor política, aínda que con isto se prexudique aos cidadáns do concello.
O goberno local comprometeu a gardería na Casa do Mar sen ter asegurada a cesión dos locais
O BNG acusou ao goberno municipal de Cervo de “falta de prudencia e de criar polémicas partidistas interesadas” ao comprometer o uso dos locais da Casa do Mar de San Cibrao para gardería cando non tiña asegurada a súa cesión. Para o portavoz municipal nacionalista, Xoán Estúa, nestes casos adoitase dicir “que puxeron o carro diante dos bois, e neste caso non se sabe si foi intencionadamente”. O nacionalista manifestou que aquí so caben dúas opcións “ou estamos diante dun goberno imprudente e incapaz ou prefire a confrontación política aínda a costa de prexudicar á cidadanía”.
O concello dispuña de locais propios para gardería e preferiu derrubalos para convertelos nun aparcamento
Os nacionalistas critican a ausencia de criterio práctico do goberno municipal que non quixo aproveitar os locais do edificio de infantil do Rivera Casas para a gardería, “a pesar ser de propiedade municipal e estar perfectamente adaptados para este fin” , preferiu derrubalos e dedicalos a un aparcamento, “nun claro exemplo de mal aproveitamento dos recursos tanto económicos como de infraestruturas públicas”.
A resposta da TXSS tamén aclara que a cesión de locais ao concello no 2001 e nula
O goberno local ademais de meterse nun conflito institucional inútil e pouco produtivo que deberá aclarar a Dirección Xeral de Costas, xa sabe que a cesión ao concello por parte da Delegación Provincial de Sanidade no ano 2001 do Salón de Actos e a aula 2 da Casa do Mar e nula, en tanto que este organismo non era titular do edifico. Estúa afirmou que o PP camiña “de chapuza en chapuza e no canto de intentar amañar as cousas segue embarrándoas aínda mais”.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
