BARREIROS . – O Concello de Barreiros programou diversas actividades dirixidas ós nenos do municipio. Aprende a xogar con nós desenvolveráse os días 23, 29 e 30 de decembro no Centro Social de San Cosme entre as 11:00 e as 13:00 horas. Haberá actividades lúdico-pedagóxicas, xogos interactivos, coñecemento do entorno e unha festa infantil-xuvenil dirixidas a nenos maiores de 7 anos. Os interesados en participar poden inscribirse ata mañá venres na OMIX do Concello de Barreiros.
O Centro Sociocultural Manuel Díaz Sampedro tamén acollerá as sesións de cinema infantil previstas para os días 25 e 27 de decembro e 1 de xaneiro, a partires das 17:30 horas. Segundo explicou a concelleira de Cultura, Adela Rodríguez, “as proxeccións están dirixidas a menores acompañados de adultos e tamén ó público familiar”.
E a Biblioteca Pública Municipal organiza a concurso de poesía Nadal 2008 no que poden participar os nenos e xóvenes do concello ata os 16 anos. Establécense 3 categorías, a primeira para nenos ata 8 anos; a segunda de 9 a 11 anos e a terceira de 12 a 16. A data de presentación das poesías remata o 24 de decembro. Os interesados poden atopar máis información e as bases do concurso na biblioteca. Adela Rodríguez agarda “unha alta participación nesta edición porque outros anos os nosos nenos responderon moi ben”.
As actividades de Nadal de Barreiros rematarán o 5 de xaneiro coa chegada dos Reis que visitarán o belén no Centro Social e despois entregarán golosinas ós nenos que acudan a esta cita “vanlles preguntar si deixaron maíz e auga para os cabalos e como se portaron durante o ano, e despois pola noite procederán ao reparto de agasallos”, engade a edil de Cultura.
Esta programación foi dada a coñecer no día de hoxe pola concelleira de Cultura, Adela Rodríguez e polo alcalde de Barreiros, Alfonso Fuente Parga.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
