CERVO .- O Concello de Cervo non ten que consignar 442.637 euros a favor da empresa Coto, según indican desde o goberno municipal facendo referencia a unha sentencia do Tribunal Supremo. O Concello de Cervo procederá a executar a liquidación final do contrato que o unía á empresa Coto e a liquidación final resultará favorable ao Concello, polo que “lonxe de ter que pagar, será a construtora quen deberá devolver as cantidades inxustamente percibidas” aseguran
Nota de Prensa
Todas as resolucións xudiciais dan a razón ao Concello de Cervo nos contenciosos iniciados contra a empresa Coto como consecuencia do polémico plan de asfaltados PLACER, e avalan a improcedencia do pago de 1,3 millóns de euros que o anterior Goberno socialista quería abonar a esta empresa
O TS CONFIRMA QUE O CONCELLO DE CERVO NON TEN QUE CONSIGNAR 442.637 € A FAVOR DA EMPRESA COTO
*
Satisfacción no Equipo de Goberno por esta sentenza que avala cada un dos pasos que iniciaron no seu día “O Concello non pagará un só euro do que non se fixo do Placer”
*
Coa chegada dos populares á Alcaldía no ano 1999 o Concello suspendeu todos os pagos ao ser evidentes os múltiples fallos e imperfeccións descubertos nas obras de asfaltado desenvolvidas por Coto.
*
Agora o Concello efectuara a liquidación definitiva do contrato que lle une coa construtora e que previsiblemente será favorable. “Lonxe de ter que pagar, será COTO quen deberá devolver as cantidades inxustamente percibidas”.
Cervo, 16 de decembro de 2008.- Todas as resolucións xudiciais dan a razón ao Concello de Cervo nos contenciosos que mantén coa empresa Coto como consecuencia do polémico Plan Placer, plan de asfaltados adxudicado no seu día polo anterior Executivo municipal socialista. O máis alto órgano xurisdicional en España anula nunha sentenza notificada o pasado martes, a decisión do Tribunal Superior de Xustiza de Galicia na que se requiría ao Concello de Cervo a consignar no xulgado 442.637,28 euros en concepto de débeda principal máis intereses.
Esta sentenza, favorable aos intereses do Concello de Cervo, súmase a outra do Tribunal Supremo que, con data 21 de maio de 2008, anulaba o pago de máis dun millón de euros en favor da empresa Coto. Na resolución de hoxe o alto tribunal vén a confirmar queo Goberno Municipal do Partido Popular actuou correctamente cando decidiu non incluír nos orzamentos de 1999 e 2000 estas supostas cantidades adebedadas.
SATISFACCIÓN NO EXECUTIVO MUNICIPAL
Desde o Executivo municipal acollen con satisfacción esta nova resolución xudicial por canto vén a garantir que o Concello de Cervo “non ten que pagar un só euro á empresa Coto como consecuencia do Plan Placer”. Esta decisión tira por terra as declaracións realizadas no seu día polos responsables da empresa, nas cales daba npor seguro que o Concello veríase na obriga de consignar as cantidades supostamente adebedadas nos xulgados e que poderían ascender a 1,3 millóns de euros.
Segundo o Goberno Municipal o Tribunal Supremo “avala cada un dos pasos que no seu día iniciamos”. Coa chegada dos populares á Alcaldía, no ano 2002, o Concello suspendeu todos os pagos ao ser evidente os múltiples fallos e imperfeccións descubertos nas obras de asfaltado desenvolvidas por Coto.
OBRAS SEN EXECUTAR
O alcalde de Cervo Alfonso Villares Bermúdez, confirmou con rotundidade que o Concello “non pagará o que non se fixo do Placer” e lembra que non é a única sentenza favorable para os intereses municipais e nas que se confirma “a existencia de importantes fallos e imperfeccións nas obras desenvolvidas por Coto, con cargo ao plan Placer”
“Convén ter en conta que todas as reclamacións promovidas ata o momento polo contratista foron resoltas e desestimadas. En consecuencia, todos os pronunciamentos xudiciais que analizaban o fondo do asunto, ata o momento, acreditan as múltiples deficiencias dun plan, promovido polo Goberno socialista” -engadiu o rexedor cervense.
Villares insistiu en que existen múltiples informes elaborados pola consultora NORCONTROL e o Centro de Experimentacións de Obras Públicas (CEDEX), dependente do Ministerio de Fomento, que corroboran que Coto facturou máis unidades de obra das que realmente executou, “nun exceso que os devanditos informes cuantifican en máis de 178 millóns de pesetas”.
LIQUIDACIÓN FINAL A FAVOR DO CONCELLO
A partir deste momento o Concello de Cervo procederá a executar a liquidación final do contrato que o unía á empresa Coto para a execución deste plan de asfaltados. Segundo os cálculos manexados polo Executivo municipal a liquidación final resultará favorable ao Concello, polo que “lonxe de ter que pagar, será a construtora quen deberá devolver as cantidades inxustamente percibidas.”
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
