Nota de prensa
Máis de 200 persoas optan ós postos de emprego que ofrecen o In Lugo e as últimas prazas do Lugo Emprega
– 79 parados comezaron hoxe as probas para ós 7 postos de emprego que ofrece o organismo provincial dentro da cota de discapacitados do plan co que xa 711 persoas están a pleno rendemento nos Concellos da provincia
– Os seleccionados comezarán a traballar no Pazo de San Marcos, no Museo e no Pavillón de Deportes durante a 1ª semana de maio
– A Deputación concluíu hoxe as probas para acceder ás 30 bolsas de innovación convocadas polo In Lugo, nas que participaron 129 desempregados
A Deputación iniciou este luns o proceso de selección do Plan Lugo Emprega para a contratación de 7 persoas que prestarán o seu servizo nas dependencias provinciais dentro da cota de discapacitados, e que se suman ós 711 traballadores que xa están a pleno rendemento nos Concellos da provincia. Un total de 79 persoas foron admitidas para realizar a primeira proba, consistente nun exame tipo test, e que dá acceso a un posto de traballo durante seis meses. As persoas que superen a proba pasarán á seguinte fase, que consistirá nunha entrevista persoal. Esta celebrarase o mércores 27 de abril, a partir das 9:30 horas, no Salón Verde do Pazo de San Marcos.
Deste xeito, os sete seleccionados, que estarán traballando como moi tarde na primeira semana de maio, ocuparan as seguintes prazas: 2 auxiliares administrativos, que prestarán o seu servizo no Pazo de San Marcos; 4 vixiantes-guía que se incorporarán ó Museo Provincial; e 1 operario ó Pazo dos Deportes. Asimesmo, nos vindeiros días, iniciarase o proceso selectivo dos 14 persoas que se contratarán para a recuperación do Arquivo. Deste xeito, con este programa a Deputación tamén actuará nun ámbito que ó longo do tempo non tivo a atención que merece no só como ferramenta administrativa senón como medio de conservación da historia da institución e, por tanto, da provincia.
Plan para reducir o paro
O Plan Lugo Emprega, co que a Deputación reduciu o número de parados na provincia, segundo os datos oficiais publicados e entidades como a CEL ó tempo que incrementou a cooperación cos Concellos, está dotado con 8 millóns de euros. Desta cantidade, 250.000 euros é a partida que se destina á contratación dos 7 discapacitados e dos traballadores do Arquivo. O organismo provincial, quen asume o 100% dos custes salariais e ata os custes da indemnización pola finalización do contrato, xestionou esta iniciativa, pioneira en Galicia, ante a falta de políticas activas de emprego da Xunta, a administración con competencias nesta materia. O Plan non incrementa a débeda pública, xa que está financiado con fondos propios da Deputación.
Bolsas de emprego no sector da Innovación
A Deputación iniciou tamén hoxe a última proba do proceso selectivo para as bolsas de emprego no sector da innovación, impulsadas polo Centro de Innovación Social. Neste caso, trátase dunha entrevista persoal que puntuará 3 puntos, e que se desenvolverá a partir 16:00 horas na sede do In Lugo, situada na rúa Frei Prácido Rei Lemos. Unha vez rematada esta fase, a Deputación resolverá as 30 becas remuneradas con 800 euros mensuais, que ofertan 6 meses de emprego en entidades sen ánimo de lucro, as cales desexan desenvolver novos proxectos tecnolóxicos para potenciar a súa actividade.
As primeiras bolsas de emprego no sector da innovación na provincia están impulsadas dende o 1º Centro de Innovación Social de Galicia. É o proxecto da Deputación, cofinanciado polo Ministerio de Industria nun 88,9% mediante o Plan Avanza. Estas becas buscan dar emprego a lucenses que actualmente se atopan en paro, así como ofrecer un servizo, sen custe algún, a colectivos sen ánimo de lucro como o Centro Tecnolóxico Agroalimentario de Lugo (CETAL); Asociación de Xóvenes Empresarios (AJE), de Empresarias de Lugo, e Empresarial de Industria de Transformación del Polígono do CEAO, Universidades de Santiago de Compostela: Aula TIC; e Universidade da Coruña: CITIC.
As bolsas de emprego no sector da innovación engádense ás primeiras 5 bolsas de artesanía e deseño de Lugo e ás becas Lug02, a través das que 18 mozos lucenses están xa a traballar en prestixiosas empresas de Hamburgo, Praga, Belfast, Florencia, Viena e Lisboa.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
