Nota de prensa
INFORME DO DELEGADO DE ECONOMIA E A SÚA VEZ ALCALDE DO CONCELLO DE FOZ, JOSE Mª GARCIA RIVERA, SOBRE O ESTADO ECONÓMICO DO CONCELLO DE FOZ A DATA 8 DE ABRIL DE 2011.
Este Alcalde e, á súa vez, Delegado de Economía do Concello de Foz, dende Xuño de 1995 ata a data do balance que presentamos, 08-04-2011, informa e da conta á Corporación Municipal, para que conste en acta do seguinte:
Este Alcalde e o seu equipo colleron o Concello de Foz en Xuño de 1995, existindo en primeiro lugar créditos e préstamos solicitados aos bancos polo Concello de Foz gobernado polo P.P. a 31-12-94. (ollo pechárase a 31-12-1994, é dicir 5 meses antes de celebrar as eleccións municipais, cando aquí estamos a pechar practicamente un mes antes das eleccións municipais). O total da débeda cos bancos era de 1.938.252,74€, gobernando 6 anos.
A débeda que existe cos bancos neste momento, cunha xestión de goberno de 16 anos, é de 1.786.909,05€, é dicir, descontáronse dos créditos pedidos polo goberno do Partido Popular a cantidade de 151.343,69 €.
_________________
Na caixa da Corporación Municipal, é dicir, o diñeiro contable existente na Caixa da Corporación e nos bancos da praza era practicamente daquela cero.
Hoxe tanto na caixa da Corporación como nos bancos da praza, hai unha existencia de 515.738,62€ (aparte a operación de tesourería solicitada por 700.000€, non tendo nada que ver con este saldo dos bancos).
__________________
As facturas que o Concello tiña pendentes de pago na xestión do Partido Popular ata o ano 1995, era de 1.545.339,68 € (ollo, ata o 31-12-1994).
E as facturas que están sen pagar por este goberno a 08-04-2011, suman 1.532.394,04€. É dicir imaxinémonos que o equipo de goberno da miña presidencia, pagou todo o que encargou durante estes dezaseis anos, e a maiores aínda descontou da débeda que nos deixaron o equipo de goberno do Partido Popular en 12.945,64 €.
_______________
Tamén temos que falar de que o noso Concello non cobrou nin un só imposto deste ano 2011, pero si realizou unha cifra contable de canto realmente se pode cobrar en período voluntario, cantidade estimativa calculada polos ingresos reais do 2010, e esa cifra é de 4.527.048,95€, que servirán para pagar as obrigas do Concello, incluída a facturación pendente.
________________
No ano 1995 o noso Concello tiña un volume de endebedamento que superaba o 110%, pois ben podemos dicir que a data 08-04-2011, o volume de endebedamento deste equipo de goberno está no 35,36%, é dicir, máis de 75 puntos por debaixo do permitido pola Lei Xeral, que é o 110%, subido ao 120% neste ano 2011 por mor da crise existente.
_________________
O equipo de goberno do Concello de Foz durante estes dezaseis anos tocoulle realizar case todos os edificios públicos e infraestruturas básicas do noso Concello, así se realizaron as seguintes obras: Casa da Cultura, Centro Social, Centro de Saúde, Estación de Autobuses, Piscina Climatizada, 2ª Gardería para Foz, compra do solar do Bahía, Casa da Xuventude, saneamento integral no 80% do medio rural, abastecemento integral de augas ás parroquias de San Martiño, Sta. Cecilia, S. Acisclo, e os ramais a practicamente todos os barrios e lugares illados do noso Concello, rexeneración total e absoluta do alumeado público, reelectrificacións, construción de dous Campos de Fútbol, construción e remodelación de 5 pavillóns deportivos, compra dun piso para local do Xulgado de Paz, remodelación e construción de Centros Sociais no medio rural, construción das dependencias da Policía Local, reparación integral da rede viaria, construción de beirarrúas no casco urbano, construción do parque infantil de tráfico, construción de 5 parques dotados de mobiliario urbano e xogos para nenos, posta en marcha da Aula da Natureza, construción de pantaláns e beirarrúas novas no peirao de Foz, construción dunha nave municipal no Polígono Industrial de Fazouro, construción de varios paseos marítimos, construción e posta en valor do río Ouro, incluída a Obra Pía, construción do Centro de Interpretación da Mariña de Lugo e moitísimas obras máis de índole menor, que serían farían que esta descrición fose moi ampla.
RESUMEN DA XESTION DOS SEIS ANOS DE GOBERNO DO PARTIDO POPULAR E RESUMEN DA XESTIÓN DOS DEZASEIS ANOS DOS GOBERNOS MUNICIPAIS PRESIDIDOS POLO ALCALDE JOSE Mª GARCIA RIVERA
Xestión do Goberno do P.P. 3.483.592,42€
(préstamos e facturas pendentes de pago)
Xestión do Goberno do presididos por José Mª García Rivera 3.319.303,09€
(préstamos e facturas pendentes de pago)
Diferenza a favor dos equipos de gobernos municipais presididos polo Alcalde José Mª García Rivera, de 164.289,33€.
A maiores quedan na Caixa da Tesorería e nos bancos da praza a cantidade de 515.738,62€.
NOTA. Os datos que manexa o Alcalde José Mª García Rivera referente a estes dezaseis anos de xestión, son do informe de Intervención Municipal emitido o 15 de abril de 2011, con toma de razón do Alcalde-Presidente, José Mª García Rivera, que asina o presente en Foz a vintecinco de abril de dous mil once, entregando unha copia a cada Grupo Político da Corporación Municipal (PSOE, PP e BNG).
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
