Nota de prensa:
ECONOMÍA E INDUSTRIA PROMOVE A XERACIÓN E MADURACIÓN DE NOVAS IDEAS EMPRESARIAIS EN LUGO A TRAVÉS DUN SEMINARIO DE BIC GALICIA
Dirixido a persoas con motivación e predisposición para xerar ideas empresariais e iniciar así o proceso de maduración e posterior implantación dunha nova iniciativa empresarial
O seminario terá continuidade en xuño, cando a Consellería que dirixe Javier Guerra promoverá en Lugo un curso orientado a facilitar a creación de novas empresas
Lugo, 1 de maio de 2011.- Facilitar a xeración e maduración de novas ideas empresariais na provincia de Lugo é o obxectivo do seminario que promove a Consellería de Economía e Industria e que organiza e imparte a sociedade BIC Galicia contando coa colaboración da Cámara de Comercio e da Asociación Impulsora do Plan Lugo.
Na apertura deste encontro formativo, que comezará a desenvolverse mañá luns, día 2 de maio, ás 16 horas, nas aulas de formación que ten a Cámara de Comercio de Lugo no Edificio Forcam, participará a directora da sociedade do Igape BIC Galicia, Maite Cancelo. O encontro terá continuidade en xuño, cando a Consellería de Economía e Industria promoverá, tamén en Lugo, un curso para a creación de empresas.
No marco das actividades do Plan de competitividade de Lugo, ponse en marcha este seminario de Xeración e Maduración de Ideas, unha acción promovida desde BIC Galicia que ten carácter gratuíto para os participantes e que busca durante varias xornadas lectivas ensinar as nocións básicas para a xeración ou maduración de ideas empresariais.
O curso, que se desenvolverá durante este mes de maio, en tres sesións, está dirixido a aquelas persoas cunha motivación e predisposición para xerar e impulsar ideas empresariais e iniciar así o proceso de cara a súa maduración e posterior implantación dunha nova iniciativa empresarial.
O seminario de xeración e maduración de ideas empresariais é ferramenta de formación mixta que ten como obxectivo procurar que o emprendedor poida xerar, madurar e avaliar unha idea de negocio. Deste xeito, o novo emprendedor pode madurar a súa idea para convertela nunha iniciativa empresarial e realizar unha primeira aproximación á viabilidade económica do proxecto e do seu potencial como futura empresa.
BIC Galicia e a Cámara de Comercio de Lugo veñen colaborando desde hai varios anos en actividades para o apoio e a creación de novos negocios. Neste sentido, ambas as dúas entidades colaboraron na posta en marcha e desenvolvemento de varios seminarios dirixidos a emprendedores e microempresas de recente creación, obtendo sempre resultados moi positivos.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
