O PP explica que quere que Burela volva a ser referente en materia medioambiental

Nota de prensa

Os populares queren que Burela volva a ser referente en materia medioambiental.

Un centro de interpretación da zona xeolóxica, obxectivo para os vindeiros catro anos.
Retomarán e desenvolverán a Axenda 21.

Burela, 10 de maio de 2011.- O PP de Burela quere que o concello volva a ser o referente medioambiental que foi no seu día a nivel galego e mesmo nacional, e que consideran que se tén absolutamente perdido. Desde o PP aseguran que os anos nos que representantes do concello de Burela participaban en foros medioambientales, como en CONAMA en Madrid, foron os máis fructíferos xa non en materia de medioambiental, senon en promoción turística. Mesmo representantes de Ecuador se tiñan desplazado a Burela para coñecer a expericiencia que se estaba a levar a cabo no noso concello.

Para os populares, da xestión do bipartito nestes catro anos só se salva a recollida de aceites, porque facer un día sen coches cando non se fixo nin un só metro de carril bici, ainda que estaba prometido, non tén moito sentido.

Desde o PP apostan por retomar e desenvolver a Axenda 21, absolutamente parada desde hai tres anos e medio, porque consideran que é unha ferramenta importantísima para, por unha parte, e a través do Foro 21, levar a cabo un canle de participación cidadá, e, por outra, establecer as actuacións a levar a cabo para o desenvolvemento do concello e fixar as prioridades.

Ademais, os populares apostan por promocionar a zona xeolóxica de Castrelo e O Perdouro, retomando a declaración de Espacio Natural de Interese Local desa zona, e programando a construcción dun Centro de Interpretación da mesma, que se ubicaría nas inmediacións da rotonda do acceso ó porto próxima a ABSA. Este Centro tamén serviría como espacio físico para a Aula GAIA, creada durante o goberno municipal do PP, a efectos de exposicións, etc., porque o PP aposta porque GAIA continúe o seu labor nos centros de ensino.