Pensando no voto de marzo
Coñecín a un abstencionista convencido que dicía “se votas, logo non te queixes”. Nunca entendín o argumento. O que vota está perfectamente lexitimado para queixarse logo. Se os gobernantes non son os que votou, con toda a razón. Pero se lles votou por que non podería queixarse, se logo lle defraudan? O voto non é ningún cheque en branco. Supoño que o noso abstencionista diría que cando un é adulto, pódese deixar enganar polos políticos unha vez, quizais dúas, pero á terceira é xa tan culpable como o enganador. Isto vale para unha conduta individual illada, pero non no caso do voto. Porque se ti non votas, outro de todos os xeitos farao por ti. E entón si que non tes moito dereito a protestar contra o que saia das urnas.
Aquí xa é cando o noso interlocutor imaxinario sae por peteneiras: “pero se ninguén votase…” Claro, o mundo só con iso sería cor de rosa, como o era naqueles tempos en que sentaba no trono aquel que conseguía sobrevivir aos puñais, os velenos e outros accidentes. Cando non o vencedor dunha guerra civil que deixaba ao pobo demacrado e empobrecido.
Creo que podemos descartar, por razóns parecidas ás expostas para a abstención, o voto nulo e en branco. Non serven para nada, nin servirían aínda que todo o mundo votase o mesmo. Ao día seguinte seguiriamos tendo un goberno, só que non elixido por ninguén. E non estariamos máis autorizados a criticalo que se o votamos. Recorden: o voto non é un cheque en branco. Así pois, quen ata aquí asinta aos meus argumentos, non ten máis remedio que admitir que debe votar a algún partido político.
“¡Pero non me gusta ningún!”, proclamará máis dun lector. Ben, non ten de que preocuparse. É normal, pásanos a moitos. Nas eleccións preséntanse varios partidos. Posiblemente non os estudou todos, e fai mal, eu creo que vale a pena. Poida que as súas ideas se atopen representadas por un pequeno partido, que aínda que non ten posibilidades de gañar as eleccións, si podería obter un deputado, ou un concelleiro, e desde aí influír nalgún grao. Quen vota en branco renuncia a toda influencia, mentres que o que vota pola formación máis peregrina (a condición de que esta vaia en serio; non sempre é así) polo menos intenta que as súas ideas teñan algún reflexo nas decisións políticas, aínda que de cando en cando o consiga.
Poñamos, con todo, que tras a análise das distintas siglas, ningunha lle convence de maneira total. Aínda así, sempre haberá un partido ou partidos que sexan os que menos lle gustan. Pois ben, aí está a clave. Vote vostede a aquel partido que lle pareza o menos malo, ou o máis indicado para impedir que gobernen aqueles que na súa opinión son peores. Vote, con ben, ao partido que non queira ver no goberno, votando ao que preferiría no seu lugar, aínda que sexa sen ningún entusiasmo.
Claro que ata o próximo Marzo non terá vostede a oportunidade de exercer o voto, pero, vaia entrenando e recorde que os políticos só teñen un contrato en precario de catro anos de duración, e que somos nós co noso voto quen os temos que poñer ou sacar da poltrona.
Otero Regal
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
