Nota de Prensa
REGO SINALA QUE “ AÍNDA EN SITUACIÓN DE CRISE O PARO NA MARIÑA, EN LUGO E EN GALICIA É INFERIOR A CANDO O PARTIDO POPULAR DEIXOU O GOBERNO”
-Afirmou que “si hoxe en España hai algunha Comunidade Autónoma xeradora de paro, esas son as Comunidades Gobernadas polo PP”, e engade que “no último ano o comportamento da evolución do paro rexistrado nas comarcas da Mariña Luguesa foi en termos comparativos dos mellores de Galicia e moitísimo mellor que en España”
-Puxo como exemplo de compromiso coa Mariña “o proxecto que hoxe o Presidente Touriño pon en marcha co inicio das obras do Corredor San Cibrao-Ferrol coa variante de Ortigueira”. Sinalou tamén que “nos próximos mes será adxudicado o tramo Celeiro-San Cibrao, que xa se atopa en tramite de licitación por un importe cércano aos 50 millóns de euros”
-Di que “os responsables do PP viñeron a estender A Mariña de Lugo, a mesma estratexia da mentira e da manipulación que Núñez Feijoo mantén para Galicia. Agora desde a oposición e antes desde o Goberno”
Burela, 14 de xaneiro de 2009.- O voceiro do PSdeG-PSOE no Parlamento Galego, Ismael Rego sinala que “aínda en situación de crise o paro na Mariña, en Lugo e en Galicia é inferior a cando o Partido Popular deixou o Goberno”. Afirma que “o paro rexistrado sitúase (decembro 2008) en Galicia en 189.903 persoas, cun aumento interanual do 22,53 %, O MENOR DE TODAS AS COMUNIDADES AUTÓNOMAS”.
Rego fixo estas declaracións para responder as criticas do PP sobre os datos do paro na Mariña Luguesa.
O deputado socialista di que “na situación de crise internacional que estamos a vivir acredítase unha especial resistencia da Mariña, fronte ao incremento do Paro no resto de España”.
Rego afirma que “si hoxe en España hai algunha Comunidade Autónoma xeradora de paro, esas son as Comunidades Gobernadas polo PP”, e engade que “no último ano o comportamento da evolución do paro rexistrado nas comarcas da Mariña Luguesa foi en termos comparativos dos mellores de Galicia e moitísimo mellor que en España”.
O PP ten o record de paro en Galicia
Xa que nas Comunidades Autónomas Gobernadas polo PP “como Murcia ou Valencia o paro crecía no último ano a ritmos de ó redor do 70%, ou no contexto de España era do 47 %, na Mariña de Lugo non chega ao 2.5%. Era a décima parte de Galicia”.
Pese o actual contexto de crise xeralizada o record do paro en Galicia teno o PP “xa que a comezos do ano 2004 superou as 193.000 persoas”.
Segundo o portavoz socialista “os populares non poden soportar que o Goberno que preside Emilio Pérez Touriño adoptase medidas para facer fronte a crise dacordo cos sindicatos, empresarios e as propias entidades financeiras”. Todo isto explica Rego “trouxo consecuencias positivas como demostran o diferencial de evolución do emprego en Galicia con respecto a media de España, e de xeito moi especial nas Comunidades gobernadas polo PP”.
O deputado mariñao di que “ os responsables do PP viñeron a estender A Mariña de Lugo, a mesma estratexia da mentira e da manipulación que Núñez Feijoo mantén para Galicia. Agora desde a oposición, e antes desde o Goberno”.
O portavoz do PSdeG-PSOE no Parlamento Galego sinala que “os populares perderon unha boa ocasión para pedir desculpas aos cidadáns da Comarca, polo abandono aos que os tiveron sometidos nos 16 anos que Gobernaron en Galicia, e que hoxe están felizmente superados pola aposta do Goberno que preside Emilio Pérez Touriño”.
Nese senso Rego resaltou “a aposta pola dinamización económica e social da Mariña Luguesa, a través da dotación de infraestruturas e equipamentos de todo tipo, co obxectivo de que os cidadáns da zona poidan desenvolver en plenitude toda a súa capacidade emprendedora”.
Inicio das obras do Corredor San Cibrao-Ferrol
A maiores Rego puxo como exemplo “o proxecto que hoxe o Presidente Touriño pon en marcha co inicio das obras do Corredor San Cibrao-Ferrol coa variante de Ortigueira”. Sinalou tamén que “nos próximos mes será adxudicado o tramo Celeiro-San Cibrao, que xa se atopa en tramite de licitación por un importe cércano aos 50 millóns de euros”.
Por todo isto Rego felicitou “aos cidadáns do norte das provincias de Lugo e a Coruña, xa que grazas ao cambio que impulsaron no Goberno de Galicia no ano 2005, foi posible sacar adiante esta infraestrutura de comunicación que os Gobernos do PP tiñan descartado”, e lembrou “cando os populares decidiron desviar a Autovía do Cantábrico en Barreiros, hacia Vilalba, deixando sen ningunha resposta alternativa a conexión Barreiros –Ferrol”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
