¿E SE GAÑA O PP?
Se gaña o PP, acabaranse certas alegrías, haberá un control exhaustivo dos diñeiros públicos e o cinto apertará como nunca apertou ata agora. Se gaña o PP, os gobernos autonómicos terán que aceptar certas normas de comportamento político e desde logo estarán obrigados a controlar os seus gastos. Se gaña o PP, España será diferente. Sen dúbida.
E como mostra un botón: Aznar di no estranxeiro que “ o cambio de goberno non dará resultados milagrosos” e que farán falta reformas en Sanidade e Educación
Nunha entrevista concedida a Bloomberg e recollida polo Wáshington Post, o ex-presidente do goberno José María Aznar explica desde Italia, que a reforma constitucional, “pode ser a bala de prata a solución aos problemas españois”, pero explica que sobre todo, “é un paso importante, na boa dirección para transmitir unha idea, un compromiso de maior disciplina, máis estabilidade e maior confianza na economía española”.
E cuestionado polo xornalista sobre se o Euro pode ser observado como un fracaso, o ex-presidente do goberno contesta:
“Non estou de acordo con esa idea. O euro foi un gran éxito nos últimos dez anos. O Euro foi unha idea política moi forte e se o Euro fracasase habería un serio problema para o mundo. Considero que temos problemas nalgúns países da Unión Europea. Hai que tomar decisións políticas e económicas importantes pero creo que o Euro será unha moeda para o futuro.”
O xornalista David Tweed pregúntalle ademais se cre que o cambio de goberno servirá para arranxar os problemas dos españois: “O cambio de goberno é imprescindible para mellorar a situación -di Aznar-, pero non será para obter milagrosos resultados, aínda que é condición indispensable para tratar de mellorar a situación”.
Pero o mellor do asunto ben cando Tweed lle pregunta cales serían as reformas necesarias, Aznar contesta:
“Reforma do mercado laboral, non máis impostos, máis liberalización, máis privatización, máis disciplina autonómica, máis disciplina para a Administración pública, reformas no sistema sanitario e reformas no sistema educativo. É un paquete enorme e espero que o próximo goberno tome importantes decisións ás dúas ou tres semanas de ser elixido. Será decisivo para o futuro do país.
Será Rajoy capaz de facer esas reformas? pregunta o xornalista.
“Ten a capacidade de manexar a situación e converterse nun líder moi forte no país” -contesta.
O ex-presidente refírese tamén ao movemento do 15-M sinalando: “non é significativo os indignados, é marxinal e non representa a maioría nin unha minoría relevante para a maioría de España”.
Cospedal foi a primeira en dar pistas sobre o escenario que nos espera sen gana o PP. Ponse punto final ao gasto sen control, ao número esaxerado de asesores, á creación de empresas públicas que permitían dar salarios a persoas afíns; acábase a historia do banco de horas sindicais coas que se convertían en liberados a persoas próximas aos dirixentes dos sindicatos, acábase o coche oficial para calquera cargo de medio pelo, as oficinas gobernamentais espalladas por toda a xeografía, en moitos casos ocupadas por funcionarios ociosos.
Veñen momentos duros, nos que o absentismo sistemático, o conto das baixas por tensións, as subvencións aos sindicatos e a repartición de cargos en función dos intereses dos gobernantes van desaparecer do mapa. Haberá máis control sobre o gasto farmacéutico e nalgúns casos pagarán xustos por pagadores, como ocorrerá coas consultas médicas, pero non parece que haxa outro xeito de sacar a este país adiante, aínda que só de pensar no que se aveciña se gaña o PP dan ganas de saír correndo. O problema é que, onde vaiamos, atoparemos o mesmo rigor á hora de buscar acomodo ás nosas esixencias. O posto de traballo sería para o mellor formado, as subvencións -dadas con lupa- para quen as merecese, a atención sanitaria non sería totalmente gratuíta en todos os casos e a educación máis especializada habería que pagala.
Otero Regal
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
