Procesión de caladiños
Co do catalán non nos toquen os narices, díxolle Artur Mas ao PP pensando no futuro. Vostedes verán o que aspiran a facer connosco cando queiran chegar á Moncloa, pero tomamos nota da súa actitude cara ao catalán, espetoulles sen lle tremer o pulso nin a voz. Non entanto, o máis rechamante foi a reacción de González Pons.
Lonxe de lanzar un órdago contra CiU na defensa da lingua cervantina, González Pons afastouse de discursos maximalistas (cousa que non fixo coa promesa dos 3,5 millóns de postos de traballo) e fíxolles as voltas mostrando o seu desexo de estar moi preto de CiU, polo que non farían nada que puidera entorpecer as súas relacións. Evidentemente, dous non rifan se un non quere.
Éche unha mágoa que na sede madrileña do PP non pensaran o mesmo con respecto aos seus compañeiros de Santiago cando estaban dispostos a se sumar ao consenso para reformar o estatuto, nomeadamente no tema da lingua galega. Non: neste caso non lles facía falta amornar as augas co PP(deG?). Deron ordes e desde aquí aceptaron obedientemente. Ben se viu despois co decreto contra o galego no ensino.
Cando un país defende os seus sinais de identidade síntese orgulloso do seu e tamén loita polos seus sectores produtivos, pola súa xente. Velaí a Artur Mas, a toda a sociedade catalá, defendendo o seu. Ultimamente tamén lles deu polo AVE do mediterráneo. Pero claro, en tempos de crise, o diñeiro non dá para todo. E coa escusa do teito do gasto, tan ben argallada por PP e PSOE, e da eficiencia das inversións, poñen enriba da mesa o seu Mediterráneo, e dan de menos o Atlántico. Por certo: non só CiU, tamén as doce capitais de provincia do Mediterráneo, do PP. Días atrás comentabamos que non era prudente fiarse, a pau seco, da palabra dun ministro. Non hai nada coma os feitos. E os do PP están aí: non facer nada que prexudique as súas relacións con CiU. E a maiores, as alcaldías populares no Mediterráneo pedindo o AVE para eles.
Como no 1996, semella que o PP de Feijoo vai quedar fóra de xogo; lembren o nivel de inversións de Aznar en Galiza: pésimo. E agora Cospedal, o novo presidente valenciano, Arenas dentro de pouco en Andalucía e Feijoo e os deputados galegos en Madrid como unha procesión de caladiños. Non é de estrañar que Rajoy non se queira comprometer máis a fondo co AVE galego. Datas?! Para que? Deixa pasar as eleccións e despois estacazo que te criou!
Farruco GRAÑA
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
