Galicia ante a reforma da Política Pesqueira Común
Cómpre lembrar que nas pasadas eleccións europeas desde o Partido Popular insistiamos na importancia de que Europa non debe ser entendida como unha amenza, senón como unha oportunidade. Hoxe máis que nunca faise necesario cumprir esta obxectivo, agora cando vemos como os grandes debates sobre o futuro dos principais sectores económicos xa só poden abordarse en conxunto, entre os 27 Estados membros.
Un deses debates que maior importancia adquire para Galicia, como principal potencia neste ámbito, é o da reforma da Política Pesqueira Común. Existe unha constatación unánime que acredita que o actual modelo xa está esgotado e fracasado, e temos que avanzar a novas fórmulas de xestión da nosa pesca que pasen por ofrecer garantías de futuro e por fortalecer e non debilitar á nosa flota.
Claro que calquera novo modelo ten que partir da explotación sostible dos recursos, por un sector pesqueiro saneado e eficiente, pero este debe facerse desde a garantía que ofrecen a rigorosidade e total coñecemento dos datos científicos sobre a situación real dos stocks pesqueiros, así como tamén desde unha análise que teña en conta o impacto social e económico das decisións a adoptar.
Fraco favor estaremos facendo ao sector se a reforma da Política Pesqueira Común convértese nunha ameaza de desmantelamento da flota e perda de postos de traballo. Non ten sentido algún que perseguindo a boa intención de favorecer á nosa pesca, en realidade esteamos condenando á desaparición dun sector económico, cultural e social como é o pesqueiro, sinal de identidade dunha Galicia desde sempre ten un dos seus principais latexos no mundo do mar.
Para o PP sempre será unha prioridade a preservación do maior número de empregos na pesca, principio irrenunciable. Superada a data do 2013, cando se aplicarán as novas directrices temos que seguir falando de futuro e de oportunidades e calquera decisión que vai en sentido contrario non é aceptable, nin pode ser asumida por España, moi a pesar de que entre os socios europeos exista a certeza de que o actual Executivo socialista é un goberno débil, provisional, a punto de marcharse, incapaz de ofrecer unha posición de forza.
Galicia, as súas institucións, a Consellería do Mar -aliada preferente dos propios representantes do sector-, lidera a defensa dos intereses da nosa flota. Traballemos, en definitiva, por facer realidade a Europa das oportunidades, tamén para a nosa pesca. Para que conceptos como a estabilidade relativa, os TAC e cotas desaparezan, se proceda á apertura do mercado de dereitos de pesca entre os distintos estados membros, e creemos confianza no moito que aínda pode ofrecer o mundo do mar, da pesca e do marisqueo.
Jose Manuel Balseiro Orol
Voceiro do Mar do Grupo Parlamentario Popular
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
