Nota de prensa
A Deputación mellora a comunicación da Pontenova coa Mariña Central investindo 1 millón de euros na estrada de Augaxosa
– Besteiro comprobou o estado desta vía tralas obras de rehabilitación que acometeu o organismo provincial. O proxecto garante unha condución confortable e segura por unha calzada que os pontenoveses elixen maioritariamente para viaxar á zona centro da comarca
– O Presidente supervisou tamén os traballos para a dotación de saneamento a Sanxés e a mellora da traída de auga da aldea de Barreiros, actuacións que respaldan o esforzo do Concello por levalos servizos públicos a tódolos núcleos de poboación do municipio
O Presidente da Deputación, José Ramón Gómez Besteiro, supervisou este xoves, acompañado do Alcalde pontenovés, Darío Campos, o estado da estrada provincial que une A Pontenova e Augaxosa, unha vía que foi rehabilitada pola institución provincial cunha inversión de 1 millón de euros. Coas obras acometidas, consistentes no ensanche, asfaltado e sinalización da calzada, a Deputación mellorou a principal vía de comunicación entre A Pontenova e os Concellos da Mariña Central, facendo a condución máis confortable e segura. Os veciños do municipio pontenovés optan maioritariamente por tomar a estrada de Augaxosa -de 16,5 quilómetros de lonxitude- en vez da Nacional 640, para desprazarse á zona centro da comarca porque o traxecto é moito máis curto, duns 20 quilómetros menos.
Besteiro resaltou a importancia desta mellora viaria para axilizar as comunicacións internas da comarca e para facer máis segura a circulación pola estrada A Pontenova-Augaxosa. “Os veciños poden ir agora por unha estrada moi ben coidada, pavimentada e sinalizada, algo a ter moi en conta sobre todo porque no inverno nesta vía hai dificultades de tráfico debido á néboa”.
O Presidente Provincial supervisou así mesmo as obras para a dotación dunha rede de saneamento que acomete a Deputación en Sanxés, un núcleo con 25 habitantes pertencente á parroquia de Bogo. O proxecto, que acabará de executarse en breve, conta cun orzamento de 72.530 euros e inclúe tamén a mellora da vía principal deste pobo pontenovés. O Presidente provincial estivo seguidamente en Barreiros, tamén na parroquia de Bogo, para comprobar a mellora levada a cabo na traída de auga a través do Plan de Comunidades Veciñais. A obra, que recibiu unha axuda de 6.956,25 euros da Deputación (o 75% do importe total do proxecto), consistiu na construción dun novo depósito de auga, o que beneficiará á vintena de veciños que reside na aldea.
Con estas dúas actuacións, o Goberno provincial respalda o esforzo que vén desenvolvendo o Concello pontenovés por levalos servizos públicos a tódolos núcleos de poboación do municipio mariñano. Gómez Besteiro gabou ese compromiso do Alcalde, Darío Campos, coas zonas rurais porque mellorando o benestar das súas xentes contribúe a fixar poboación.
Máis actuacións
A mellora da estrada provincial da Pontenova a Augaxosa súmase a outras actuacións que a Deputación levou a cabo no municipio mariñano nos últimos tres anos e que en total ascenden a preto de 2,7 millóns de euros. É o caso do acondicionamento do río Eo; unha actuación moi demandada polos veciños deste Concello e para a que o organismo provincial destinou 900.000 euros. Os traballos supuxeron un investimento de 4,8 millóns, financiados nun 70% polo Ministerio de Medio Ambiente Rural e Mariño e nun 30% pola Deputación. O Concello asumiu a cesión dos terreos.
Así mesmo, dentro do Plan de Comunidades Veciñais, o organismo provincial subvencionou con 92.648 euros 15 novas obras neste municipio. Para conservación da rede viaria provincial aprobada ata 2012 destináronse máis de 370.000 euros, e 35.000 euros para obras do Plan de Pequenas Infraestruturas en Concellos de menos de 5.000 habitantes. A roza das estradas de titularidade da Deputación e as actuacións incluídas no Plan de Obras e Servizos (POS) centran o resto de investimentos executados pola institución provincial na Pontenova.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
