Nota Prensa
“Se alguén sabe ben que non todos somos iguais ese é o sector cooperativo”, afirma Estoa.
O BNG pide forza en Madrid para que a PAC non prexudique a Galiza.
Unha delegación do Bloque Nacionalista Galego da que facían parte entre outros o Alcalde de Ribadeo, Fernando Suárez, o Vicepresidente da Deputación, Antonio Veiga, ou os candidatos do BNG ao Congreso e ao senado pola Mariña, mantiveron na xornada de hoxe unha xuntanza co Consello Reitor da “Cooperativa Os Irmandiños” na que os nacionalistas explicaron as súas propostas en materia de política agraria e recolleron as suxestións que este colectivo, representativo do sector agrogandeiro da comarca lles fixeron chegar .
O candidato do BNG ao Congreso e Alcalde de Riotorto, Federico GutiérrezEstoa, expresou “ a importancia que ten para o conxunto do complexo agrogandeiro galego ten a lexislatura que arranca após o 20 N, posto que vai ser o vindeiro goberno a quen lle toque negociar en Bruxelas a proposta da PAC e aínda máis se temos en conta que cada vez é maior a discrecionalidade dos Estados a hora de repartir os fondos da mesma. Tanto é así que dos 5000 millóns que segundo a proposta da Comisión vai recibir o Estado Español, este poderá reservar un 5% para zonas que presentan o que na xerga comunitaria se coñecen como handicapscorrespondéndolles tamén definir cales son estas. Asemade o Goberno Central poderá reservar tamén un 10% deses 5000 mil millóns de Euros para réximes de apoio vinculados a producións determinadas, se ben do propio estudo de impacto da Comisión se deduce que unha das grandes prexudicadas van ser as explotacións lácteas, algo que o propio Feixoo deu como bo no chequeo da PAC”.
O nacionalista insistiu “en que vai ser o Goberno saído das urnas á vista do exposto quen reparta a parte máis substancial das axudas e só Galiza non vai perder nese reparto se o nacionalismo ten un peso significativo en Madrid, porque se alguén é especialista en defender a Galiza é o BNG.” Estoa continuou afirmando “que temos demostrado que non todos somos iguais, é se algún sector coñece ben o tema é o sector cooperativo até o punto de que mentres o BNG desde o Goberno na Xunta apostaba por un Plano Eólico que blindaba ao movemento cooperativo, para poñer a andar un grupo lácteo vinculado ao mesmo, foi chegar os populares a Xunta, anular de xeito ilegal o Decreto, e deixar desarmado ao sector para levar adiante un proxecto estratéxico para os produtores e para o conxunto do País como é a posta en marcha do grupo lácteo galego.É necesario que na actual lexislatura se poña a andar o mesmo porque tan importente como unha PAC que non discrimine ao noso País é contar cun sector de transformación competitivo porque a día de hoxe o sector lácteo segue a ser a columna vertebral do rural galego”.
Os representantes do BNG fixeron fincapé “que é prioritario garantir que se lle repercuta ao consumidor final os prezos de produción, e iso é posible,porque agora non vale o argumento de que estaríamos violando as regras do libre mercado, facendo dumping xa que o conto rematou no momento en que o Estado saíu rescatar a Banca. Non pode ser que as grandes distribuidoras operen como auténticos monopolios fixándolle o prezo ao produtor e tamén a industria posto que hai mecanismos legais suficientes para limitar estas prácticas olipolícas como acontece en outros Estados da Unión Europea.É escandaloso que as grandes empresas da distribución están pretendo manter á súa marxe de beneficio, debilitado pola caída do consumo, en base a apertarlle aos produtores”.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
