Nota de prensa
PANIFICADORA DO EO 1-3 FISOBER VIMIANZO
El Panificadora del Eo-Ribadeo FS sucumbiu no seu feudo ante o Fisober de Vimianzo (1-3); aínda que o intentaron as pupilas de Martínez durante os 40 minutos, a maior calidade e experiencia das visitantes fixeron que levasen os tres puntos nun partido vibrante con dominios alternos para ambos os conxuntos. As ribadenses seguen sen puntuar neste complicado inicio de tempada, logo de enfrontarse nas catro primeiras xornadas aos catro primeiros clasificados de Autonómica.
Adiantáronse as visitantes no marcador aos 5 minutos por mediación de Patricia en xogada individual logo de desfacerse de dúas locais e bater a Antía de tiro raso e cruzado. A partir dese momento, as ribadenses adiantaron as súas liñas para achegarse con perigo á portería defendida por Paula, aínda que sen puntería. O mazazo chegou de novo no último minuto da primeira metade ao aproveitar Ana unha perda de balón das locais na zona media (0-2).
Na segunda metade seguírono intentando as de Martínez e esta vez Eva si conseguiu perforar a meta visitante. Non se viñeron atrás as xogadoras do Panificadora e tiveron ocasións de polo menos igualar o marcador, principalmente en senllas chegadas de Ana e Fátima no un contra un contra a porteira do Fisober. As da Costa da Morte contraatacaron con perigo a falta de acerto na finalización das mariñás e así, no minuto 35, Noelia subiu o 1-3 definitivo.
Outro difícil compromiso terá o Panificadora na próxima xornada, que deberá enfrontarse en Santiago ao Funeraria Apóstol, un dos veteranos da categoría e candidato ao ascenso.
Provincial masculina. O Ribadeo FS conseguiu inaugurar a seu marcador ao empatar 2-2 no Pombal de Lugo co Navia Suarna.
Provincial feminina. As mozas ribadenses do Xoula recibiron un severo castigo en Lugo, onde caeron derrotadas ante o FSF Lucense 6-1. O gol das mariñás foi obra de Elvira.
Ficha técnica
Panificadora del Eo-Ribadeo FS: Antía, Eva, Marta, Fátima e María, cinco inicial; tamén xogaron Ana, Arancha, Elena e Toñi.
Fisober FSF: Paula, Ana, Barca, Noelia e Patricia, cinco inicial; tamén xogaron Elsa, Myrella, Ylenia, Olalla, Alba e Eva.
Árbitros: Benjamín Rivas Fouz e Vanesa Fernández Fernández, da delegación de Lugo. Mostraron cartón amarelo á xogadora visitante Ana.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
