Nota de prensa
AGUSTÍN HERNÁNDEZ E RAQUEL ARIAS REÚNENSE CO ALCALDE DE FOZ PARA ABORDAR MELLORAS NAS INFRAESTRUTURAS DA LOCALIDADE
A Consellería de Medio Ambiente Territorio e Infraestruturas, que rematou nos últimos meses as obras de reforma e adaptación da LU-162, que une O Valadouro e Cangas (1,91 millóns de euros), ten previsto redactar próximamente o proxecto para a construción de beirarrúas e rede de pluviais de Cangas
Lugo, 25 de outubro de 2011.- O conselleiro de Medio Ambiente, Territorio e Infraestruturas, Agustín Hernández, e a delegada territorial da Xunta en Lugo, Raquel Arias, mantiveron co alcalde de Foz, Javier Jorge Castiñeiras, unha reunión para abordar actuacións de mellora nas dotacións do municipio focense.
Na xuntanza, Agustín Hernández informou a rexedor focense que o departamento autonómico ten previsto iniciar próximamente a redacción do proxecto de construción de beirrarúas e rede de pluviais na zona de Cangas de Foz. Este proxecto abrangue a un espazo de preto de 3,5 quilómetros e contará cun orzamento que se estima que ronde os 600.000 euros.
A actuación supón un complemento a execución das obras de mellora na estrada LU-162, que une Ferreira do Valadouro e Cangas de Foz, que o departamento de Medio Ambiente, Territorio e Infraestruturas concluíu nas últimas datas. Nestas obras investíronse 1,91 millóns de euros para reformar e mellorar un tramo de 12,4 quilómetros desta vía que serve de nexo para a comunicación interior dos veciños do concello de Foz.
En concreto, as obras executadas permitiron a rehabilitación do firme tanto dende o punto de vista da capacidade estrutural, como do de mellorar as características superficiais da rodadura, recuperando a necesaria textura e proporcionando unha óptima adherencia aos usuarios. Así mesmo, tamén se actuou para a mellora de interseccións a fin de incrementar a súa funcionalidade e a seguridade viaria e adaptáronse as barreiras metálicas á normativa vixente.
Coa redacción do proxecto de construción das beirarrúas e a rede de augas pluviais na zona de Cangas dase continuidade a estas obras executadas polo actual Goberno galego para mellorar as infraestruturas do municipio focense.
Dragado da zona portuaria de Foz
Por outra banda, a delegada territorial abordou tamén co alcalde focense outros proxectos de interese para o concello costeiro relacionados con outros departamentos da Xunta. En concreto, Arias tratou co rexedor a demanda para o dragado do porto de Foz.
Na xuntanza indicouse que a partida para este proxecto atópase contemplado dentro das partidas orzamentarias presupostadas polo Executivo galego para o ano 2012. O investimento está recollido dentro da previsión de gastos autonómicos para o vindeiro ano en capítulo de partidas xenéricas non territorializadas.
Esta obra, considerada polo alcalde de grande importancia para o concello de Foz e os seus veciños, contará cunha partida específica, segundo lle indicou Raquel Arias ao rexedor. De feito, os técnicos do Executivo autonómico están a realizar os cálculos axeitados para establecer as contías finais desta dotación, xa que ata o momento o importe desta actuación responsabilidade de Portos de Galicia non aparecía desagregado.
A opción para facer constar esta partida, segundo explicou a delegada territorial, é a súa inclusión a través do trámite de emendas, aínda que se está a estudar a fórmula máis acaída.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
