Nota de prensa
CERVO
OS ORZAMENTOS DA XUNTA PARA 2012 SEGUEN SEN INCLUÍR NINGUNHA PARTIDA ESPECÍFICA PARA REMATAR O SANEAMENTO EN SAN CIBRAO NIN PARA O DRAGADO DA PRESA DE RÚA
Nin o porto deportivo nin a goleta ou o traiñón aparecen nos orzamentos de Portos de Galiza para 2012 polo que os compromisos de Balseiro son papel mollado.
Os nacionalistas lémbranlle a Balseiro que a súa iniciativa para o resgardo de embarcacións en inverno no porto de San Cibrao non concretaba datas de actuación nin cuberta até que o BNG mediante unha emenda deu concreción a estes puntos.
Cervo, 28 de outubro de 2011. O BNG de Cervo analizou os orzamentos da Xunta para 2012 onde botan en falta investimentos concretos para a execución do emisario submarino para rematar a obra de saneamento en San Cibrao, tampouco sen ven por ningures partidas específicas para cumprir as promesas electorais de Balseiro e Portos de Galiza en relación ao porto deportivo, a goleta ou o traiñón que foran comprometidos para o 2012. Os nacionalistas celebran a existencia dunha partida para o Conxunto Histórico de Sargadelos pero instan ao goberno municipal e á Xunta a aprobar o Plan Especial de Protección do Conxunto Histórico de Sargadelos para non comprometer o futuro do conxunto histórico con ocorrencias de última hora.
En Cervo pagaremos a auga mais cara pola falta de compromiso do goberno local e a negativa da Xunta a executar o dragado da presa de Rúa.
O portavoz municipal do BNG Xoán Antón Estúa, lembrou que o pleno municipal de Cervo aprobou por unanimidade instar á Xunta a executar o dragado da presa de Rúa xa no ano pasado e presentou unha emenda aos orzamentos 2011 que obtivo o voto contrario do Sr. Balseiro, neste ano a Xunta segue sen prever ningunha partida específica para esta obra e o concello non compensa con fondos propios os gastos de xestión mentres os veciños de Cervo pagarán as consecuencias cunha suba do 41% no prezo da auga.
San Cibrao seguirá vertendo ao mar augas residuais sen depurar mentres a Xunta non cumpra a súa parte da actuación executando o emisario submarino.
Na mesma liña o nacionalista botou en falta nos orzamentos 2012 algunha partida para executar o emisario submarino para rematar as obras da EDAR de San Cibrao que seguirá vertendo ao mar as augas residuais sen depurar. Estúa lembrou que o conxunto das obras de saneamento en San Cibrao están executadas sen que a Xunta puxera un só euro, só falta que cumpran coa súa parte financiando a construción do emisario submarino, mentres tanto seguiremos igual que estabamos.
A iniciativa de Balseiro non concretaba nin prazos de actuación, nin cuberta e foi corrixida mediante unha emenda do BNG que foi aceptada.
Os nacionalistas lembráronlle a Balseiro que foi unha emenda do BNG presentada na Comisión de pesca a que concretou o remate das obras antes do fin de 2011 para o resgardo de embarcacións en terra durante a invernía, xa que a súa iniciativa nin especificaba prazos, nin cuberta para a execución desta obra no porto de San Cibrao. Estúa negou que o BNG cuestionara en ningún momento a existencia de fondos para esta obra, que é menor, pero si a insistencia de Balseiro en presentar iniciativas publicitarias que xa estaban previstas con anterioridade.
Os compromisos de Balseiro e Portos de Galiza para 2012 sobre o porto deportivo e a goleta ou o traiñón non aparece reflectidos nos orzamentos do próximo ano.
O BNG recalcou que o único que debe pedir perdón é o Sr. Balseiro “que comprometeu xunto con Portos de Galiza a construción dunha goleta que despois converteuse nun traiñón e un porto deportivo para San Cibrao diante de moitos veciños pero do dito ao feito aínda queda un longo recorrido.”
“Estúa reclamou a Balseiro que explique onde están as partidas previstas para estes investimentos ou que pida perdón por prometer sen ter asegurados os fondos económicos necesarios. O nacionalista criticou que a Balseiro váiselle a forza pola boca e despois non sabe como recompoñerse”
O BNG pide a aprobación do Plan Especial de Protección de Sargadelos para evitar ocorrencias de última hora.
O BNG pediu, tanto ao goberno como ao galego, a aprobación do Plan Especial de Protección do Conxunto Histórico de Sargadelos “para evitar que ocorrencias de última hora podan desperdiciar o traballo de moitos anos”, celebrou a existencia dunha partida económica nos orzamentos 2012 para o conxunto histórico pero pediu “prudencia e sentidiño” á hora de actuar.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
