Nota de prensa
OS SOCIALISTAS LAMENTAN QUE O PP VOTASE EN CONTRA DE GARANTIR OS SERVIZOS SOCIAIS
-Subliñan que intentan confundir ós veciños xa que “Balseiro asegura que os beneficiados serán máis ca no 2009 e Villares di que manterá os servizos”
-Non entenden “qué problema hai en votar a favor de manter polo menos a cobertura do 2009, se incluso din que a poden mellorar”
CERVO, 12 DE DECEMBRO. A Corporación do Concello de Cervo vén de celebrar na mañá de hoxe un pleno extraordinario a solicitude dos membros do Partido Socialista e do Bloque Nacionalista Galego, pois consideran moi necesario poder rectificar, a través de medidas urxentes, os recortes implantados polo Goberno Galego no Plan Concertado e garantir, polo menos, a cobertura orzamentaria de 2009.
O Plan Concertado constitúe un instrumento fundamental para a colaboración e coordinación entre as administracións con competencias en políticas sociais co fin de prestar servizos públicos, actuacións e programas absolutamente fundamentais para o benestar das persoas. Os socialistas subliñan que se non damos marcha atrás ós recortes da Xunta de Galicia nesta materia, “non poderán existir os servizos públicos sociais que existen na actualidade. A media de recortes deste ano dos orzamentos da Xunta para os concellos é do 80% o que suporía, de non rectificar, a morte dos servizos sociais municipais.”.
Aínda así, o PP de Cervo votou en contra da solicitude da oposición, poñendo por riba das necesidades e do benestar dos nosos veciños, a lealtade ós seus compañeiros da Xunta de Galicia.
Os socialistas non só lamentan o voto negativo contra a súa proposta senón tamén o intento dos populares de enganar a tódolos veciños. Afirman que “o voceiro popular, o señor Balseiro, durante a súa intervención intenta confundir ós veciños, asegurando que os beneficiados polos servizos sociais do Concello serán máis ca no ano 2009. O señor alcalde non hai moito asegurou que o servizo ía ser o mesmo, compañeiros, aclárense”.
Neste senso, os membros do GMS non entenden cómo “os populares poden votar en contra dunha proposta que busca manter, só manter, polo menos a cobertura de 2009, e despois asegurar que van a incrementar os servizos. Se garanten unha mellora, qué problema hai en votar a favor de manter polo menos a cobertura do 2009. Nós só estamos pedindo que se manteña, se a poden mellorar, moito mellor. Son moitos os concellos que votaron con unanimidade en contra dos recortes da Xunta para defender os dereitos dos seus veciños. Non entendemos por qué o equipo de goberno de Cervo é capaz de votar en contra dunha iniciativa similar. Non entendemos a súa actitude se non é por amiguismo político, ou é que hai algo que ocultar”.
Os socialistas engadiron que “a realidade é que os veciños de Cervo serán castigados polos recortes da Xunta de Galicia e o noso Concello demostrou unha vez máis que ten dúas varas de medir en función da administración que dá, otorga ou recorta. É unha lástima que os servizos sociais do Concello se vexan perxudicados a pesares de todo o persoal que temos, que é moito e bó” e lembran que “a asesora municipal de políticas sociais debera ter presente o futuro que se aproxima nesta materia e poñer enriba da mesa algunha solución que defenda as necesidades dos cervenses. Debería asesorar ó equipo de goberno sobre estes asuntos e non só asegurar a súa xubilación”.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
