Nota de prensa:
ADEGA levará a Terractiva varios colectivos que reivindican a defensa do territorio galego
Arzúa2011, a 15 de decembro de 2011.- ADEGA participará esta fin de semana na Feira Ecolóxica de Arzúa, Terractiva, coa exposición do seu stand na sección de postos de asociacións e na coordinación de varias das mesas redondas da sección “Altofalante”, na que se lle dá voz a aqueles colectivos ou movementos que se están a mobilizar por unha causa ambiental ou socialmente xusta. Así mesmo, organiza o habitual roteiro pola bacía alta do río Ulla que trasladará aos visitantes aos valores naturais e patrimoniais máis destacados da comarca. Ademais, coincidindo con Terractiva, ADEGA celebrará en Arzúa a súa XXXVI Asemblea Xeral e entregará os premios osíxeno e dioxina na xornada do sábado.
Na sección do “Altofalante” ADEGA propón varias temáticas a debate relacionadas coa ordenación territorial en Galiza, coa nova Lei de Montes, con novas figuras de protección e custodia do territorio e co renacer medioambientalista da Costa da Morte.
A primeira das palestras terá lugar o sábado, ás 18 horas, baixo o título “Panorama actual da ordenación urbanística na Galiza”. Nela participará o Fiscal de Medio Ambiente de Galiza, Álvaro García Ortiz; o profesor de dereito administrativo na USC, Fernando de Abel Vilela; o secretario xeral de ADEGA, Froilán Pallín e o membro do Observatorio Galego do Territorio, Xoán Pinto Tasende. Os ponentes tratarán sobre a inseguridade xurídica que supoñen as sucesivas modificacións das normativas de ordenación territorial e urbanísticas, e sobre o incerto panorama que debuxan no país algunhas actuacións administrativas que tratan de legalizar certas actuacións urbanísticas.
A segunda palestra coordinada por ADEGA terá lugar o domingo, 18 de decembro ás 12 horas. O tema será a nova lei galega de montes e as súas consecuencias. Formarán parte da mesa de discusión representantes de ADEGA, a CIG, a FRUGA e a Organización Galega de Comunidades de Montes en Man Común. Todas estas entidades exporán a súa valoración do novo texto normativo e as súas consideracións en canto as posibles repercusións que terá para o futuro do medio rural.
Ese mesmo día pola tarde, ás 17 horas, dará comezo a mesa-coloquio sobre unha nova forma de conservar o territorio que se está a estender polo Estado español, e nomeadamente, por Galiza. Trátase da custodia do territorio, da que están facendo uso máis de vinte entidades galegas para xestionar un total de 4.000 hectáreas. Na mesa participarán entidades como Ridimoas, a de maior experiencia en custodia, a Asociación Fragas do Mandeo, a Asociación Galega de Custodia, un representante da que fora Fundación Comarcal Ulla-Deza e un voceiro de ADEGA para dar conta dos proxecto de custodia que está a desenvolver na zona.
E a última mesa-coloquio, que terá lugar ás 18.30 horas do domingo, estará formada por representantes de varios colectivos da Costa da Morte que están a pular por outro modelo de desenvolvemento que teña en conta os valores ambientais, patrimoniais e culturais da zona, fronte a modelos produtivistas e especulativos como as pisicifactorías de rodaballo, as explotacións hidroeléctricas no Xallas, ou os parques eólicos e canteiras no Monte Pindo. As entidades que darán voz a este novo modelo de desenvolvemento para a Costa da Morte serán a Plataforma en Defensa do río Xallas, a Asociación Monte Pindo Parque Natural e a Cooperativa de Agricultura ecolóxica Raíña Lupa de Quilmas.
ROTEIRO POLO ALTO ULLA
Será de dúas horas e comezará no Recinto Feiral “Terra do Queixo” ás 10.30 horas do domingo día 18. Será pola contorna do encoro de Portodemouros. Partindo da Fervenza das Hortas visitaranse varios muíños restaurados ata o “Enredo do Abelleiro”, un museo do mel. Tras comprobar o impacto dun dos encoros máis grandes de Galiza, o de Portodemouros, o roteiro rematará na aldea de Viñós. Guiará o roteiro Marcial Barral, veciño da comarca e membro de ADEGA.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
