Nota de prensa
Máis de 7.500 persoas redescubriron Lugo grazas ó Km0.Deputación de Lugo durante o 2011
– O programa, posto en marcha pola Deputación Provincial co apoio das institucións europeas, facilita dende hai catro tempadas que milleiros de persoas coñezan a riqueza natural e cultural da provincia dende a súa posta en marcha
– As seis derradeiras rutas deste ano levarán ós participantes ata os Concellos de Alfoz, Láncara, O Páramo, Paradela, Portomarín, Carballedo, Viveiro e Ribadeo
A Deputada de Artesanía e Deseño, Regina Polín, recibiu este martes a un grupo da Asociación de Mulleres San Bartolomeu de Insua (Vilalba) e a outro da Asociación Penitenciaria Concepción Arenal (Lugo) que participaron na primeira das rutas coas que a programación de Km0 pecha o ano. 48 participantes do primeiro grupo e outras 48 do segundo pasarán a formar parte das mais de 7.500 persoas que viaxaron pola provincia dende o inicio deste programa, contribuíndo a manter, directa e indirectamente, mais de 3.000 postos de traballo.
O primeiro grupo desplazouse ata o Concello de Alfoz co fin de coñecer a Torre da Homenaxe de Pardo de Cela. Antes de partir cara a Mariña, fixeron unha parada nunha oleiría de Boxe para coñecer de primeira man esta artesanía de sona. Xa de camiño, gozaron coas fermosas paisaxes da Serra do Xistral, espazo natural protexido. A xornada rematou cunha visita o museo etnográfico de Finca Galea Fortaleza do Mariscal Pardo de Cela.
Pola súa banda, o segundo dos grupos que viaxaron hoxe escolleu a ruta de San Facundo, coa que puideron coñecer os Concellos de Láncara, Páramo e Paradela. En plena Reserva de Terras do Miño, achegáronse a visitar a Casa Grande de Láncara e a ponte medieval de Carracedo. Tras repoñer forzas, viaxaron cara Vilarmosteiro, capitalidade do Páramo para finalizar a xornada visitando o conxunto arquitéctonico medieval de San Facundo de Ribas do Miño, xa no Concello de Paradela.
O mércores, 55 integrantes da Agrupación Deportiva de San Xulián de Nois, de Foz, dirixiranse cara Portomarín, onde coñecerán algunha das riquezas que oferece o Concello, coma as Igrexas de San Pedro e San Xoán, ou a contorna que se pode admirar dende as inmediacións do Club Náutico.
48 solicitantes individuais farán a ruta denominada “Cova e Chouzán”, que os levará ata o Concello de Carballedo. Descubrirán a presa dos Peares e as Igrexas da Cova e de Chouzán, dous monumentos declarados Históricos e que foron reconstruídos no seu emprazamento actual para a construción do embalse. Rematarán a xornada cunha visita ás Adegas Vía Romana.
Finalmente, o xoves, 55 membros da Asociación de Xubilados de Meira e outros 55 da Asociación Terra Libre Galicia, de Sarria, encamiñaranse cara a Mariña lucense. O primeiro destes grupos visitará a Ría de Viveiro, cunha ruta que os levará a coñecer a actividade da Lonxa de Celeiro, subir ó monte de San Roque e rematar vivindo a atividade do obradoiro de Cerámica Regal. O segundo terá como destino o Concello de Ribadeo, onde embarcarán no peirao de Porcillán para facer unha viaxe en barco pola ría e rematar visitando o casco histórico e o Convento das Clarisas da localidade mariñana.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
