Nota de prensa
O EQUIPO DE GOBERNO ASEGURA QUE A CONTRATACIÓN DUNHA CONCELLEIRA BURELESA POR PARTE DA FUNDACIÓN EU SON É TOTALMENTE LEGAL. O INFORME EMITIDO POLA SECRETARÍA MUNICIPAL DI QUE “NON HAI INCOMPATIBILIDADE”.
Burela, 21 de decembro de 2011. A contratación dunha concelleira burelesa membro do equipo de goberno pola Fundación Eu son, con carácter temporal, é totalmente legal, segundo afirman desde o propio equipo de goberno burelés, logo de ter coñecemento do informe emitido pola Secretaría municipal a petición da concelleira do Grupo Mixto. En dito informe indícase que “non hai incompatibilidade”.
O informe, extenso, recolle distintos aspectos da normativa legal vixente, e fai referencia á variada xurisprudencia sobre a materia. O contido das conclusións do informe é o seguinte:
“Conclusión:
Tal e como dispón o artigo 178.2.b) da LOREX, son incompatibles para ser concelleiros os directores de servizos, funcionarios ou restante persoal activo do respectivo Concello e das entidades e establecementos de él dependentes. Ningunha de estas circunstancias concorre na concelleira contratada pola Fundación Eu Son, xa que a fundación é de interese galego, pero non dependente do Concello, aínda que o alcalde sexa o presidente da mesma.Tamén, para o caso que nos ocupa, é irrelevante que a Fundación estea ubicada nun local de titularidade municipal.
Tampouco, dende o punto de vista do réxime xeral de incompatibilidades do persoal ao servizo das Administracións públicas, lle afecta incompatibilidade algunha, ao non desempeñar a concelleira o cargo electivo con dedicación exclusiva e retribuída, conforme o artigo 5 da Lei 53/1984, de 26 de decembro, do persoal ao servizo das Administracións públicas, e o artigo 75 da Lei 7/1985, do 2 de abril, reguladora das bases de réxime local.
Se a concelleira traballa nesta Fundación, o que sí debe facer é absterse de participar nos asuntos municipais que afecten á mesma (no caso de que os houbera), de conformidade co disposto no artigo 28 da Lei 30/1992, do 26 de novembro, de réxime xurídico das Administracións públicas e do procedemento administrativo común”.
O equipo de goberno do Concello de Burela explica que “o informe está datado o día vinte do presente mes de decembro e foi coñecido no día de hoxe polos membros do Padroado da Fundación Eu son, que tiña convocada unha reunión para aprobar o seu presuposto para o vindeiro ano 2012. A actividade da Fundación non se rexe polo dereito administrativo, polo que non lle é de aplicación a normativa legal que rexe para as administracións públicas”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
