Nota de prensa
José Ramón Lete Lasa asinou esta mañá os patrocinios, que beneficiarán a 10 equipos da provincia
A SECRETARÍA XERAL PARA O DEPORTE PATROCINA CON MÁIS DE 360.000 EUROS OS EQUIPOS DE ALTA COMPETICIÓN DE LUGO
? Estes acordos enmárcanse no Plan de patrocinios da Xunta para a tempada 2011/2012, que está dotado con máis de 2 millóns de euros e beneficiará a un total de 65 clubs galegos
Lugo, 21 de decembro de 2011.- O secretario xeral para o Deporte, José Ramón Lete Lasa, asinou hoxe os patrocinios con 10 clubs de alta competición da provincia de Lugo, aos que a Xunta destinará máis de 360.000 euros.
En concreto, as adxudicacións de patrocinios asinadas hoxe beneficiarán a: Club de Baloncesto Breogán S.A.D., Porta XI Club de Baloncesto, Club Peluquería Mixta de Friol (fútbol), Club Deportivo Lugo (fútbol), Prone Lugo, Asociación Deportiva (fútbol sala), C.D. Burela Fútbol Sala feminino, C.D. Burela Fútbol Sala masculino, Agrupación Deportiva A Pinguela de Monforte (voleibol), Club Emevé masculino (voleibol) e Club Emevé feminino (voleibol).
Promocionar o deporte de alta competición en Galicia
Os patrocinios asinados hoxe enmárcanse no Plan da Secretaría Xeral para o Deporte para a tempada 2011/2012, que está dotado con máis de 2 millóns de euros e beneficiará a un total de 65 clubs da comunidade.
O Plan de patrocinio publicitario dos equipos de alta competición de Galicia é unha iniciativa da Fundación Deporte Galego que se desenvolve por terceiro ano consecutivo e conta cun dobre obxectivo: por unha banda, difundir a actividade e a imaxe fundacional e da Comunidade Autónoma, e, por outra, a promoción do deporte de alta competición en Galicia.
A Fundación Deporte Galego considera que, a indubidable popularidade que acompaña a xogadores e técnicos destes equipos, convérteos en interesantes líderes de opinión sobre todo entre a poboación infantil e xuvenil á hora de emprender campañas institucionais de fomento do deporte e dos hábitos saudables, algo esencial para complementar o Plan Galicia Saudable, programa estratéxico no ámbito deportivo para os próximos anos. Un plan que está permitindo incorporar á base social galega a actividade física, de xeito que a súa concorrencia sexa percibida como necesaria e ineludible.
Fases e beneficiarios do plan
Este Plan de patrocinios constará de dúas fases: unha primeira, relativa aos clubs en sistema de ligar regular, incluídos no Grupo 1, e unha segunda fase, que se iniciará nos primeiros meses de 2012, relativa aos clubs incluídos no Grupo 2 e correspondente a aqueles cuxa competición máis relevante aínda non comezou.
O requisito para ser beneficiario deste Plan de patrocinios é, no caso do Grupo 1, contar con equipos nas competicións de primeiro e segundo nivel nas modalidades deportivas en que a competición de máximo nivel se desenvolve, na categoría absoluta, en sistema de liga regular á que se accede por clasificación, con ascensos e descensos de categoría e cun volume de desprazamentos frecuente.
No caso do Grupo 2, os beneficiarios serán as entidades máis relevantes da súa modalidade, atendendo a criterios de participación e resultados obtidos, en modalidades nas que a competición máis relevante non se desenvolve en sistemas de liga regular, de xeito que non teñen que participar en diferentes encontros deportivos ao longo do ano para participar na competición deportiva oficial máis relevante do seu deporte.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
