Nota de prensa
O GRUPO POPULAR DE RIBADEO REPRÓCHALLE AO ALCALDE QUE PRETENDA ENGANAR ÓS RIBADENSES
O Grupo Municipal do Partido Popular de Ribadeo desexa manifestar a súa disconformidade coas declaracións do Alcalde de Ribadeo na pasada semana en relación aos asuntos tratados polo Pleno da Corporación na sesión ordinaria celebrada no día de onte.
En primeiro lugar, consideramos que o feito de que o Alcalde de Ribadeo apareza nos medios de comunicación falando sobre os asuntos que aínda están por aprobar polo pleno parécenos unha falta de respecto á institución municipal, aos partidos da oposición e ós ribadenses. Sendo conscientes de que a maioría absoluta coa que conta o BNG na corporación propiciará, de seguro, que os asuntos que se sometan a debate sexan aprobados, non nos parece ético que se promulguen os seus postulados publicamente sen terse dignado escoitar os argumentos da oposición.
E a segunda característica deste goberno municipal nacionalista é a de botar a culpa de tódolos males a alguén (case sempre que lle é posible ó PP). Así o fixo, deixando caer que a redución da subvención ós proxectos protexidos polo ARI de Ribadeo e Rinlo dun 80% a un 75% era por imposición da Xunta de Galicia. Non é de todo mentira a afirmación, máis é premeditadamente ambigua. A proposta de convenio do ARI tivo que ser correxida e reducida a porcentaxe máxima de subvención en un 5% aténdose a unha normativa autonómica pero, hai que dicilo todo se non se quere manipular a información, aprobada polo goberno bipartito no ano 2.008. Sen entrar a valorar a procedencia ou non da limitación, o que non nos parece de recibo é que se deixe entrever que é a Xunta actual de Núñez Feijoo, quen está a retraer diñeiro destas subvencións.
No segundo punto da orde do día do Pleno celebrado na tarde de onte, tamén se manifesta o sr. Suárez de xeito premeditadamente ambiguo porque menciona o que lle parece e esquece o que lle convén. O Partido Popular de Ribadeo asume, como parte do partido que goberna en España que a subida do IBI de un 0,73% a un 0,80% é produto dunha lei estatal e que a subida proposta polo goberno municipal do 0,76% é menor que o 0,80% a que obriga o goberno español. Pero, dito isto, non estamos de acordo co posicionamento do Sr. Suárez que sempre está a “vender” ós veciños que as súas actuacións son as que veñen de salvalos da malvada política da dereita. Explicámonos: a postura do Grupo Municipal Popular no pleno que aprobou máis de unha ducia de subidas de impostos e taxas municipais non foi o rexeitamento frontal á subida do IBI, ou á cantidade do 3,8%, foi unha oposición a unha subida xeralizada de tódolos impostos que os veciños de Ribadeo teñen que pagarlle ó concello. A subida de impostos do BNG en Ribadeo non foi o 3,8% do IBI, foi a da auga, o lixo, o imposto de vehículos, os vados, as escolas deportivas, o 333% das terrazas, etc …, é dicir, TODO. E nós preguntámonos: se quere compensar ós ribadenses o 0,07% de IBI que van pagar por culpa do PP, ¿por qué non revoga a subida doutros impostos, ademais do IBI? ¿Por qué fai catro días non tivo a ben escoitar á oposición e ó sector comercial e hostaleiro coa subida das terrazas?
E, por último, debemos recordarlle ós ribadenses que, se ben a subida do IBI vén imposta polo goberno central, quen vai recadar este diñeiro é o Concello. Esperamos que ese diñeiro que o goberno local non quería recadar pero vai entrar na súa caixa se invista de forma axeitada e non en máis gastos superfluos como nos teñen acostumados.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
