Primeira victoria de Sócrates Campo que xa que puntuou en 8 das 12 tiradas celebradas

NOTA DE PRENSA

XXIIIª TIRADA DE BOLOS – XIIª SUB 16 –  IIIª LIGA FEMININA

(TEMPORADA  2011/2012)

Organiza:    Concellería de Cultura do Concello de Xove

Colaboran: IES Illa de Sarón de Xove

INCIDENCIAS DA 12ª  TIRADA

(CLUB DE PALMEIRO – Sábado, 28 xaneiro de 2011)

Liga Senior Masculina.- Primeira victoria de Sócrates Campo, quen por certo está a realizar unha tempada moi regular, xa que puntuou en 8 das 12 tiradas celebradas ata o momento. Trátase dun xogador xove, xa cunha certa experencia neste deporte, que este ano está tomando con máis intensidade  a súa participación.  Gracias aos 12 puntos desta tirada pasa do 6º ao 4º posto na xeral.  Tamén hai un cambio na terna de cabeza, xa que os 10 puntos sumados por José Rafael nesta tirada permítenlle acceder á segunda posición, relegando a Francisco Pérez á terceira.

Os 27 puntos que Arturo Vigo lle leva ao segundo clasificado parecen insalvables, xa que faltan 6 tiradas, e dudamos que Arturo falle tanto coma para deixarse arrebatar esa posición de privilexio; pero bueno, neste deporte todo é posible, e recordamos cómo Arturo perdeu a Liga pasada na última tirada, polo cal non debe descuidarse. Así e todo, o máis normal é que a pelexa nas 6 tiradas que faltan sexa polo segundo e terceiro postos. Do 2º posto (José Rafael con 64 puntos) ao 8º (Ginés Rodríguez con 40) hai 24 puntos de diferencia, o que é o mesmo, dúas victorias, dahí que a pelexa por eses dous postos de podium vai ser moi forte nas tiradas que quedan, estando moitos xogadores implicados e con posibilidades.

Liga Senior Feminina.- Aquí Carmen Roca sigue cómo líder, pero ten moi perto as súas duas inmediatas perseguidoras, xa que Belén Meitín con 47 puntos  e Dolores Baño con 45  están a só dous e 4 puntos respectivamente. Por xogo e por trayectoria, nesta categoría está moi claro que van a ser estas tres xogadoras as que pelexen polos tres primeiros postos finais. Das tres, Carmen Roca e Dolores Baño xa foron campionas en edicións anteriores, polo que quizais a que máis urgencia e presión teña ao final sexa Belén Meitín, que inda non ten ningún entorchado final.

Liga Sub 16.- O mesmo que na Liga Feminina, nesta categoría o podium é cousa de tres, concretamente Salomé Cardoso, Daniel López e Isaias Cardoso. A líder sigue moi forte, tanto que nas últimas cinco tiradas celebradas conseguiu catro victorias e un segundo posto, dahí que xa manteña un excelente colchón de 11 puntos sobre o seu inmediato seguidor Daniel López, e 12 sobre o seu irmán Isaias. A vixente campiona está claro que non se vai deixar intimidar, mantendo un nivel de xogo que lle permita renovar o título. Segundo as normas que na actualidade rexen este campionato, esta sería a última tempada de Salomé nesta categoría, xa que na vindeira xa tería cumpridos os 16 anos. Isto mesmo, lóxicamente, é aplicable ao seu irmán mellizo Isaias. O caso de Daniel é distinto, xa que na vindeira tempada inda estaría incluido nesta Liga.

A vindeira tirada terémola o SÁBADO 4 DE FEBREIRO NO CAMPO MUNICIPAL DE FÚTBOL DE XOVE