Nota de prensa:
A ÁREA DE DEPORTE ORGANIZARÁ A I COPA DEPUTACIÓN DE LUGO DE FÚTBOL BASE
Antonio Veiga destacou que “será un evento que mobilizará a 3.000 rapaces deportistas e ás súas familias e que terá tamén unha repercusión económica no comercio e hostalaría das vilas onde se dispute”
A competición disputarase ao redor de 3 fins de semana de xuño e en 3 campos diferentes, na Mariña, en Viveiro, en Lugo e na zona Sur, en Monforte de Lemos
Os desprazamentos, aloxamentos e gastos de arbitraxe e materiais da propia competición están integramente sufragados pola Área de Deporte da Deputación de Lugo
Lugo, 27 de febreiro de 2012. O vicepresidente da Deputación de Lugo, o nacionalista Antonio Veiga, mailo delegado de Cultura e Turismo da Deputación de Lugo, o nacionalista Mario Outeiro, presentaron esta mañá no salón de actos do Pazo de San Marcos o proxecto de organización para a 1ª Copa Deputación de Lugo de Fútbol Base, unha competición totalmente sufragada pola Área de Deporte da Deputación e que segundo anunciou Antonio Veiga, “vai xuntar a máis de 3.000 rapaces e rapazas deportistas e ás súas familias en tres fins de semana de xuño, algo que vai repercutir moi positivamente na economía do comercio e a hostalaría das vilas nas que se dispute a competición”. Veiga afirmou que “como vén sendo a nosa liña de traballo desde a Área de Deportes da Deputación, queremos facer fincapé no apoio ao deporte de base, propoñendo esta competición futbolística que será tamén un gran evento socializador e de convivencia para todas e todos os nenos e as súas familias”.
Segundo informou Antonio Veiga, vicepresidente da Deputación e responsábel das Áreas de Benestar Social e Deporte, “en Lugo disputarán a competición as categorías xuvenil, alevín e benxamín, os días 2 e 3 de xuño, e estímase a participación nuns 1000 rapaces, que xunto ás súas familias podemos estar a falar de 3000 persoas arredor da competición. Pola súa banda, os equipos lucenses de categoría infantil, competirán en Viveiro o 9 e 10 de xuño, cunha presenza estimada de 750-1000 futbolistas, e os equipos lucenses da categoría cadete disputarán esta 1ª Copa Deputación de Lugo de Fútbol Base o 16 e 17 de xuño en Monforte de Lemos, tamén cunhas cifras aproximadas de deportistas de entre 750 e 1000 persoas.
Hai que salientar que os custes de desprazamento, manutención e aloxamento para aqueles equipos que se teñan que desprazar moitos quilómetros estarán sufragados pola Deputación de Lugo, ademais de todos os gastos propios da competición como arbitraxes, materiais, etc. Nesta liña, Antonio Veiga puntualizou que “é un aliciente para os equipos saber que teñen todos os gastos cubertos, xa que os equipos que se teñan que desprazar máis de 15 quilómetros desde a súa orixe ao punto onde se disputa o torneo terán sufragados os gastos de desprazamento, así como o aloxamento e a manutención para os equipos que se teñan que desprazar máis de 70 quilómetros. Tamén cada xogador levará un agasallo pola súa participación, ademais dos correspondentes trofeos aos 4 equipos finalistas de cada categoría. Polo tanto, estamos poñendo todas as facilidades para que participen o maior número de futbolistas e de clubs”. Veiga lembrou que hai até o 16 de marzo de prazo para inscribirse a través do correo electrónico deporte@deputacionlugo.org na competición e que calquera dúbida pode ser solucionada chamando aos teléfonos 647 907 821 ou 630 078 398.
Pola súa banda, Mario Outeiro, delegado de Cultura e Turismo da Deputación de Lugo, afirmou que “turismo e deporte están máis ligados que nunca a resultas desta 1ª Copa Deputación de Lugo de Fútbol Base, xa que o feito de desprazar e xuntar tantos nenos e nenas e ás súas familias unha fin de semana vai ter unhas repercusións positivas, ademais de no plano propiamente deportivo e socializador, no propio sector hostaleiro da zona e no comercio local, co que se pode ver tamén unha clara repercusión económica nesta competición”.
Neste sentido, afirmou Mario Outeiro que “esta competición será sen dúbida unha boa noticia para o sector turístico das zonas nas que se disputa nunha época na que aínda a ocupación hoteleira non presenta as cifras altas do verán”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
