NOTA DE PRENSA (FNC)
O BNG DE ALFOZ DEMANDA AXUDA AO GOBERNO DO ESTADO PARA PALIAR OS DANOS CAUSADOS POLO TEMPORAL NESTE CONCELLO.
Alfoz, 2 de febreiro de 2009. O BNG de Alfoz demanda axuda ao Goberno do Estado para paliar os danos causados polo temporal neste concello. Os nacionalistas exporán esta postura no pleno extraordinario que se vai celebrar mañá no Concello ás 12 do mediodía.
O BNG sinala que “varias zonas de Galiza teñen resultado afectadas por importantes danos e perdas nos servizos, vivendas, industria, agricultura, gandería, ou medio ambiente, a consecuencia do forte temporal cuxa intensidade máxima se proxuxo nos días 23 e 24 de xaneiro. En consecuencia, resulta imprescindible adoptar urxentemente un conxunto de medidas para acomodar a actuación da Administración Pública nas zonas máis afectadas, para contribuír ao restablecemento da normalidade, regulándose procedementos que garantan, de forma flexíbel e rápida, o finanzamento dos gastos de reparación dos danos producidos”.
O voceiro nacionalista en Alfoz, Iván Marrube considera que “a solicitude de zona catastrófica para este concello é unha iniciativa en desuso. Ante as catástrofes naturais acontecidas nos últimos anos, gobernos dunha ou outra cor optaron pola aprobación de reais decretos de axuda específicos para cada caso. Neste sentido, o xoves 29 de xaneiro, o Consello da Xunta ven de aprobar un decreto urxente de medidas extraordinarias, onde destaca, por exemplo, os catro millóns de euros destinados a actuacións no rural”.
Marrube sinala que “incidir na solicitude de declaración de zona catastrófica constitúe un debate nominalista arredor dunha fórmula administrativa anacrónica, que carece de cobertura legal específica, e que está en desuso por presentar múltiples problemas na concreción práctica das medidas reparadoras entre os que podemos citar: a incidencia negativa que tiña na solicitude de indemnizacións dos danos ás compañías aseguradoras coas que os afectados tiñan concertadas pólizas de seguro, ao aparecer como non suxeitos á cobertura das mesmas os danos producidos por un suposto de forza maior, imposible de prever e inevitable, que era o que tradicionalmente se asociaba á declaración de zona catastrófica. E os efectos negativos que, en materia de promoción turística, produciría a declaración de zona catastrófica nos municipios afectados”.
O BNG de Alfoz manifesta que “en conclusión, máis que entrar en debates nominalistas, que pouco ou nada poden aportar á reparación dos danos sofridos, débese solicitar do Goberno do Estado que acompañe o esforzo realizado pola Xunta para paliar as consecuencias do temporal, deseñando medidas que complementen esta iniciativa e sexa acorde ás necesidades reais dos municipios afectados, contribuindo, por tanto, á reparación total dos danos”.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
