Nota de prensa
Plataforma cidadá Queremos Galego
Avenida de Lugo, 2 – A, entresollado A, Santiago de Compostela (Galiza) | Tel. 981 563 885 | Fax. 981 583 782 | www.queremosgalego.org
Queremos Galego convocará manifestación nacional o 17 de maio en Compostela
Así o acordou unanimemente o seu plenario nacional, reunido onte para acordar novas accións da plataforma cidadá unitaria que impulsou e coordina A Mesa
Carlos Callón: “Non merecemos un goberno que dedica máis tempo a atacar o noso idioma que a resolver os problemas”
Santiago de Compostela, 22 de marzo de 2012.- O plenario nacional da Plataforma cidadá Queremos Galego, que baixo o impulso e coordinación da Mesa pola Normalización Lingüística agrupa máis de 700 entidades sociais de todo tipo e miles de apoiantes a título persoal, acordou na reunión celebrada na tarde de onte convocar manifestación nacional para o vindeiro 17 de maio, Día das Letras Galegas.
O presidente da Mesa e portavoz da plataforma, Carlos Callón, sinalou que “hai demasiados motivos para nos movermos, porque a caza de bruxas contra o noso idioma se agudizou nestes tres anos de lexislatura e as vulneracións dos nosos dereitos lingüísticos son cada vez maiores”. “Mesmo se ataca o máis básico, como é recoñecer que o galego é a lingua propia de Galiza”, denunciou.
Callón alenta ao “conxunto da sociedade con sensibilidade polo idioma galego, fáleno ou non” a participar na marcha do Día das Letras, porque “non nos merecemos un goberno que dedica máis tempo a atacar o noso idioma que a resolver os problemas que temos a nivel económico, cultural, educativo, etc.”.
A proposta de manifestación achegada ao plenario contou co apoio unánime do máximo organismo decisorio de Queremos Galego, que entende a necesidade de seguir a responder socialmente os maiores ataques contra a lingua e a cultura propias en toda a actual etapa autonómica.
Nos próximos días a plataforma cidadá concretará un intenso calendario de actos previos en localidades e comarcas de toda Galiza para as semanas previas á mobilización.
A manifestación celebrarase o 17 de maio e partirá ás 12 da mañá da Alameda de Santiago de Compostela, como é habitual.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
