Dende CIG saúde queremos denunciar recortes que estamos a sufrir no Hospital da Costa, explotando unha vez máis o argumento da “crise”, e que afectan de maneira moi significativa á atención asistencial dos nosos pacientes.
En concreto imos referirnos á SUPRESIÓN DA DIETA DO ACOMPAÑANTE NO SERVIZO DE PEDIATRÍA, un recorte posto en marcha por esta Dirección dende o 1 de Febreiro de 2012.
A figura do acompañante ten un valor importantísimo, e máis cando se trata da hospitalización dun neno, situación que xenera un grande impacto emocional tanto para él como para a súa familia.
A separación do seu ambiente familiar fai que o neno experimente serias manifestacións que se traducen en inquietude, irritabilidade, alteracións do apetito e sono, regresión emocional e de conduta, ocasionando alteracións na adaptación do neno ao ambiente hospitalario, que poden xerar un aumento do tempo de hospitalización.
Todo isto se pode minorar coa presenza dos pais durante o proceso de hospitalización, xa que estes participan activamente no coidado do neno durante a súa estanza hospitalaria.
Esta é unha medida que non achega ningún beneficio dende o punto de vista da eficacia, eficiencia e efectividade ( palabras que soan moito polo noso hospital dende os órganos xestores)
Debemos recordar que a Unidade de Pediatría dispón de 8 camas, é dicir, que cando a ocupación é do 100% estaríamos a falar dun máximo de oito dietas , ¿acaso a supresión desas dietas supón un aforro significativo? Claramente non. O aforro é ridículo, mentres que o dano que estas medidas ocasionan é de gran importancia.
Dende 1986 a Comunidade Europea recoñeceu oficialmente a participación da nai no coidado do neno hospitalizado, facilitando medidas hixienico-dietéticas e de confort aos acompañantes.
Lamentamos que a Dirección do noso Hospital tomara a decisión de suprimir a dieta do acompañante, obrigándoo a ter que abandonar ó neno para acudir a comer ou a pasar sen comer. Dadas as particularidades do servizo de Pediatría dende o punto de vista arquitectónico, con cuartos individuais e pechados, resulta imposible a vixianza destes nenos ou lactantes por parte do escaso persoal de enfermaría, que dende fai un ano foi reducido por esta dirección de forma drástica, existindo turnos nos que só queda unha persoa para todo o servizo.
Dende a CIG Saúde RECHAZAMOS ENÉRXICAMENTE que a Dirección do noso hospital aplique estas ridículas e prexudiciais medidas de aforro, e ESIXIMOS A INMEDIATA restitución da dieta do acompañante pediátrico.
Remitido
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
